scorecardresearch

पंजाब काँग्रेसमध्ये असंतोषाचं वातावरण; मुख्यमंत्री चन्नी यांच्या भावाला काँग्रेसने नाकारलं तिकीट

ते आता अपक्ष उमेदवार म्हणून निवडणूक लढवणार आहेत.

channi-1200-3
पंजाबचे मुख्यमंत्री चरणजित सिंह चन्नी (संग्रहित छायाचित्र)

पंजाब विधानसभा निवडणुकीसाठी उमेदवारांच्या पहिल्या यादीतून महत्त्वाच्या नेत्यांना वगळल्याने काँग्रेस पक्षाच्या राज्य युनिटमध्ये असंतोष निर्माण झाला. विशेषत: मानसा, मोगा, मलोत आणि बस्सी पठणा या विधानसभा मतदारसंघात असंतोष दिसून येतो. मुख्यमंत्री चरणजित सिंह चन्नी यांचे बंधू मनोहर सिंग यांना आगामी निवडणुका लढवण्यासाठी तिकीट नाकारण्यात आले.

खरर सिव्हिल हॉस्पिटलमधून वरिष्ठ वैद्यकीय अधिकारी पदाचा राजीनामा दिलेले मनोहर सिंग हे बस्सी पठाणातून निवडणूक लढवण्याच्या इच्छेत होते. त्याऐवजी काँग्रेसने बस्सी पठाण विधानसभा मतदारसंघातून विद्यमान आमदार गुरप्रीत सिंग जीपी यांना उमेदवारी दिली आहे. नाराज मनोहर सिंग यांनी सांगितले की ते अपक्ष उमेदवार म्हणून निवडणूक लढवणार आहेत. मलोत आणि मोगा येथे काँग्रेसने विद्यमान आमदार पंजाब विधानसभेचे उपसभापती अजयबसिंग भाटी आणि हरजोत कमल यांना तिकीट नाकारले.

काही काळापूर्वी काँग्रेसमध्ये दाखल झालेला वादग्रस्त पंजाबी गायक सिद्धू मुसेवाला मानसामधून आणि अभिनेता सोनू सूदची बहीण मालविका सूद मोगामधून हरजोत कमल यांच्या जागी निवडणूक लढवणार आहे. मुसेवाला यांनी विद्यमान आमदार नजरसिंग मनशाहियाची जागा घेतली, जे २०१९ मध्ये आप सोडल्यानंतर काँग्रेसमध्ये सामील झाले होते.

आपमधून काँग्रेसमध्ये आलेल्या रुपिंदर कौर यांना पक्षाने मलोत मतदारसंघातून उमेदवारी दिली आहे. गेल्या निवडणुकीत त्या भटिंडा ग्रामीणमधून आपच्या तिकिटावर निवडून आल्या होत्या. काँग्रेसने शनिवारी पंजाबमधील १४ फेब्रुवारीच्या विधानसभा निवडणुकीसाठी ८६ उमेदवारांची पहिली यादी जाहीर केली, ज्यात मुख्यमंत्री चरणजीत सिंग चन्नी यांना चमकौर साहिबमधून आणि पीसीसी प्रमुख नवज्योतसिंग सिद्धू यांना अमृतसर पूर्वमधून उभे केले.

माजी मुख्यमंत्री कॅप्टन अमरिंदर सिंग यांनी प्रतिनिधित्व केलेल्या पटियाला शहरी मतदारसंघासाठी पक्षाने अद्याप आपला उमेदवार घोषित केलेला नाही. ११७ सदस्यीय विधानसभेसाठी पक्ष लवकरच आपल्या उर्वरित ३१ जागांची घोषणा करेल. पंजाब विधानसभेची निवडणूक १४ फेब्रुवारीला एकाच टप्प्यात होणार असून १० मार्चला निकाल लागणार आहेत.

मराठीतील सर्व निवडणूक २०२२ ( Elections ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Charanjit singh channi brother manohar denied congress ticket fight as independent candidate vsk

ताज्या बातम्या