Delhi Assembly Election 2025 Results Highlights : दिल्लीत आता मुख्यमंत्रीपदाची चर्चा, पुन्हा ‘महिलाराज’ येणार?

आम आदमी पक्षाचे प्रमुख अरविंद केजरीवाल हे नवी दिल्ली विधानसभा मतदारसंघातून निवडणूक लढवत आहेत. या मतदारसंघात त्यांच्यासमोर भाजपाचे परवेश सिंग आणि काँग्रेसचे संदीप दीक्षित यांचं आव्हान आहे. अरविंद केजरीवाल हे पहिल्या काही कलांमध्ये नवी दिल्लीतून पिछाडीवर पडलेले पाहायला मिळत आहेत.

सुरुवातीच्या कलांनुसार दिल्लीच्या विधानसभेच्या एकूण ७० जागांपैकी भाजपा विश्वास नगर आणि शहदरा या दोन विधानसभा मतदारसंघांमध्ये आघाडीवर आहे.

भाजपाचे विद्यमान आमदार ओम प्रकाश शर्मा सध्या पूर्व दिल्लीतील विश्वास नगर मतदारसंघात आघाडीवर आहेत.

भाजपाने सुरूवातींच्या कलांमध्ये आघाडी घेतल्याचे दिसून येत आहे, सध्या भाजपा २६ जागांवर आघाडीवर आहेत तर ‘आप’ २२ जागांसह दुसऱ्या क्रमांकावर आहे. सध्या फक्त पोस्टल बॅलेटची मोजणी झाली आहे.

निवडणूक आयोगाच्या माहितीनुसार भाजपाचे उमेदवार ओम प्रकाश शर्मा हे विश्वास नगर विधानसभा मतदारसंघात आघाडीवर आहेत.

भाजपाने दिल्ली विधानसभा निवडणुकीच्या मतमोजणीच्या सुरुवातीला ९ जागांवर आघाडी घेतली आहे, तर आप सध्या ७ जगांवर आघाडीवर आहे. काँग्रेस एका जागेवर आघाडीवर असल्याचे दिसून येत आहे. ही आघाडी पोस्ट बॅलेटच्या मोजणीत घेतली आहे.

दिल्ली विधानसभा निवडणुकीच्या ७० मतदारसंघांसाठी मतमोजणी सुरू झाली आहे. सुरुवातीला पोस्टल मतदान सुरूवातीला मोजले जाईल. त्यामुळे काही मिनीटात मतमोजणीचे आकडे समोर येण्यास सुरूवात होईल.

आज (८ फेब्रुवारी) होणाऱ्या दिल्ली विधानसभा निवडणुकीच्या मतमोजणीसाठी निवडणूक आयोगाने ५००० हून अधिक कर्मचारी तैनात केले आहेत. शहरातील २७ केंद्रांवर मतमोजणी केली जाईल. मतमोजणी प्रक्रिया सुरळीत पार पडावी यासाठी निमलष्करी दलांसह पुरेशा सुरक्षा उपाय योजना करण्यात आल्या आहेत. थोड्याच वेळात मतमोजणीला सुरूवात होणार आहे.

जेव्हीसी एक्झिट पोलनुसार भाजपाला ३९ ते ४५ जागा, आपला २२ ते ३२ जागा तर काँग्रेसला ० ते २ जागा मिळतील असा अंदाज वर्तवण्यात आला आहे.

दिल्ली विधानसभा निवडणुकीसंदर्भात पीपल्स इनसाइट एक्झिट पोलनुसार भाजपाला ४० ते ४४ जागांचं बहुमत मिळण्याची शक्यता आहे. सत्ताधारी आम आदमी पक्षाला २५ ते २८ जागा तर काँग्रेसला ० ते १ जागा मिळण्याचा अंदाज आहे.

पीपल्स पल्स एक्झिट पोलनुसार भारतीय जनता पक्षाला ५१ ते ६० जागा मिळतील असा अंदाज वर्तवला आहे. त्याचवेळी आपला १० ते १८ तर काँग्रेसला ० ते १ जागा मिळण्याचा अंदाज आहे.

दिल्लीत भाजपाला यंदा ३९ ते ४४ जागा, आपला २१ ते ३१ जागा तर काँग्रेसला ० ते १ जागा मिळण्याचा अंदाज पी मार्कच्या एक्झिट पोलमध्ये वर्तवलण्यात आला आहे.

एबीपी माझा-मॅट्रिझ एक्झिट पोलनुसार दिल्लीच्या निवडणुकीत भाजपाला ३५ ते ४०, आपला ३२ ते ३७ तर काँग्रेसला ० ते १ जागा मिळण्याची शक्यता आहे.

दिल्ली विधानसभा निवडणुकीसाठी पोल डायरीच्या एक्झिट पोल्सनुसार दिल्लीत भाजपाला ४२ ते ५० जागा, आपला १८ ते २५ तर काँग्रेसला ० ते २ जागा मिळण्याचा अंदाज आहे.

चाणक्य स्ट्रॅटेजीच्या अंदाजानुसार दिल्लीत भाजपाला ३९ ते ४४, आपला २५ ते २८ तर काँग्रेसला अवघ्या २ ते ३ जागा मिळण्याचा अंदाज आहे.

दिल्ली विधानसभा निवडणुकीसाठीच्या एक्झिट पोल्सचे अंदाज आपच्या विरोधात गेल्यानंतर आपकडून त्यावर नाराजी व्यक्त करण्यात आली आहे.

वाचा सविस्तर

महाराष्ट्र विधानसभा निवडणुकीत महायुतीचा मोठा विजय झाला. लोकसभा निवडणुकीत दिसणारा कल विधानसभा निवडणुकीत पूर्णपणे बदलल्याची प्रतिक्रिया या निकालांवर व्यक्त करण्यात आली.

वाचा सविस्तर

Delhi Election 2025 Exit Poll : दिल्लीत ७० जागांसाठी मतदान झाले असून आता एक्झिट पोल्सचे अंदाज समोर यायला सुरू झाले आहेत.

वाचा सविस्तर

अरविंद केजरीवाल यांनी भाजपावर गंभीर आरोप केला आहे…

वाचा सविस्तर

दिल्लीला जरी राज्याचा दर्जा नसला तरी, येथील निकालांचा परिणाम राष्ट्रीय राजकारणावर होईल. भाजपने बाजी मारली तर, हरियाणा, महाराष्ट्रापाठोपाठ पक्षासाठी मोठे यश असेल. बिहारमध्ये या वर्षाअखेरीस विधानसभा निवडणूक होईल. त्या दृष्टीने हा निकाल महत्त्वाचा आहे.

वाचा सविस्तर

दिल्ली विधानसभा निवडणुकीचे निकाल लवकरच जाहीर होणार असून त्यानंतर दिल्लीच्या मुख्यमंत्रीपदी कोण येणार? याकडे सगळ्यांचं लक्ष लागलं आहे. आम आदमी पक्षाचं सरकार आल्यास आतिशी यांच्याऐवजी पुन्हा एकदा अरविंद केजरीवाल दिल्लीच्या मुख्यमंत्रीपदी बसण्याची शक्यता आहे.

दिल्ली विधानसभा निवडणुकीसाठी ५ फेब्रुवारीला मतदान पार पडलं असून आज ८ फेब्रुवारी रोजी मतमोजणी होईल. दिल्लीतील ७० जागांसाठी हे मतदान पार पडलं.