देशातल्या पाच राज्यांमध्ये आता विधानसभा निवडणुकांची धामधूम सुरू झाली आहे. त्या अनुषंगाने सर्वच पक्ष मैदानात उतरले असून विरोधकांवर टीका करण्याचं सत्र सुरू आहे. त्याच निमित्ताने गोव्यात केंद्रीय गृहमंत्री अमित शाह प्रचारासाठी आले असून त्यांनी काँग्रेसवर सडकून टीका केली आहे. राहुल गांधींना मोदी फोबिया झाला आहे, अशी टीकाही अमित शाह यांनी केली आहे. गोव्यातल्या पोंडा इथं बोलताना अमित शाह म्हणाले, "भाजपाने गोव्याचा विकास केला. गांधी परिवारासाठी गोवा फक्त सुट्टी एन्जॉय करण्याचं ठिकाण आहे. भाजपासाठी गोवा म्हणजे गोल्डन गोवा. की माजी मुख्यमंत्री दिगंबर कामत यांनी गोव्याच्या विकासासाठी काहीही केलं नाही. भाजपाने मात्र दिलेला शब्द पाळला. त्यांनी गोव्याचे मुख्यमंत्री प्रमोद सावंत यांच्या कामाचं कौतुकही केलं. ते म्हणाले, गोव्याचे मुख्यमंत्री सावंतजी, मनोहर पर्रिकरांच्या गोल्डन गोव्याचं स्वप्न प्रत्यक्षात उतरवण्यासाठी खूप कष्ट घेत आहेत". हेही वाचा - “गांधी परिवारासाठी गोवा फक्त सुट्टी एन्जॉय करण्याचं ठिकाण” ; अमित शाहांचे काँग्रेसवर ताशेरे अमित शाह यांनी या प्रचारसभेत बोलताना काँग्रेस नेते राहुल गांधींवरही टीकास्त्र सोडलं. राहुल गांधी यांना मोदी फोबिया झाला आहे अशी टीका अमित शाह यांनी केली. गोव्याचे माजी मुख्यमंत्री आणि भाजपा उमेदवार रवी नाईक यांच्या प्रचारासाठी अमित शाह हे गोव्यात आले होते. नाईक यांनी नुकतंच काँग्रेस पक्ष सोडून भाजपामध्ये प्रवेश केला आहे. मोदी सरकारने छोट्या राज्यांच्या विकासाला नेहमीच प्राधान्य दिलं असून किनारी प्रदेशातल्या राज्यांसाठी लागेल ती मदत केल्याचं अमित शाह यांनी म्हटलं आहे.
