India Lok Sabha Election 2024 Phase 5 Voting Live Updates, 20 May: महाराष्ट्रातील लोकसभा निवडणुकांच्या सर्व टप्प्यांमध्ये सर्वाधिक १३ मतदारसंघांमध्ये पाचव्या म्हणजेच आजच्या टप्प्यात मतदान होत आहे. कल्याण, ठाणे आणि मुंबईतल्या सर्व सहा मतदारसंघांसह भिवंडी, नाशिक, दिंडोरी, धुळे, पालघर या मतदारसंघांमध्येही महाविकास आघाडी व महायुतीचे उमेदवार आमने-सामने आले आहेत. यात अनेक दिग्गज नेत्यांचाही समावेश आहे. त्यामुळे पाचव्या टप्प्यातील मतदारसंघ व तेथील मतदान यावर राजकीय वर्तुळात मोठी उत्सुकता आहे. या टप्प्यात दोन कोटी ४६ लाख मतदार मतदानाचा हक्क बजावणार असून ते २६४ उमेदवारांचे भवितव्य निश्चित करतील. त्याशिवाय, राष्ट्रीय पातळीवरही तब्बल ८ राज्यांमधील ४९ जागांवर आज मतदान होत आहे. यात अनेक महत्त्वाच्या मतदारसंघांचा समावेश आहे.

Live Updates

Lok Sabha Polls 2024 Phase Five Live Updates: लोकसभा निवडणूक पाचवा टप्पा लाईव्ह अपडेट्स

17:53 (IST) 20 May 2024
Maharashtra Lok Sabha Election 2024 Phase 5 Voting Live in Marathi:

निवडणूक आयोगानं केलं जाहीर…

17:33 (IST) 20 May 2024
Mumbai Lok Sabha Election 2024 Phase 5 Voting Live Updates:

ऐश्वर्या रायनं मुंबईत बजावला मतदानाचा अधिकार

17:25 (IST) 20 May 2024
Mumbai Lok Sabha Election 2024 Phase 5 Voting Live Updates: मुकेश अंबानींचं मतदारांना आवाहन

प्रत्येक भारतीयानं मत द्यायला हवं. कारण हीच आपल्या देशातली खरी लोकशाही आहे.

17:05 (IST) 20 May 2024
मुंबईत संथगतीने मतदान सुरू असल्याच्या आरोपांवर उद्धव ठाकरेंची प्रतिक्रिया

मुंबईतील काही मतदान केंद्रांवर संथगतीने मतदान सुरू असून हा संपूर्ण प्रकार जाणीवपूर्वक सुरू आहे, असा आरोप ठाकरे गटाचे प्रमुख उद्धव ठाकरे यांनी केला आहे. तसेच निवडणूक आयोग केवळ भाजपाची चाकरी करत आहे, अशी टीकाही त्यांनी केली.

16:41 (IST) 20 May 2024
रणबीर कपूरने केलं मतदान

अभिनेता रणबीर कपूरने मुंबईत मतदानाचा हक्क बजावला. पांढरे शर्ट व निळ्या डेनिममध्ये रणबीर डॅशिंग दिसत होता.

16:39 (IST) 20 May 2024
सारा अली खानने बजावला मतदानाचा हक्क

अभिनेत्री व सैफ अली खानची लेक सारा अली खान हिनेदेखील मतदान केलं.

16:38 (IST) 20 May 2024
शाहरुख खानने कुटुंबासह केलं मतदान

शाहरुख खान, त्याची पत्नी गौरी, मुलगा आर्यन व मुलगी सुहाना या सर्वांनी मतदान केलं. यावेळी शाहरुखचा धाकटा लेक अबराम त्यांच्याबरोबर होता.

16:37 (IST) 20 May 2024
ऐश्वर्या रायने केलं मतदान

अभिनेत्री ऐश्वर्या राय बच्चनने मतदान केलं.

16:37 (IST) 20 May 2024
अभिनेता शाहरुख खानने सहपरिवार बजावला मतदानाचा हक्क

अभिनेता शाहरुख खानने आज मुंबईतील मतदान केंद्रावर जाऊन मतदानाचा हक्क बजावला. यावेळी त्याची पत्नी गौरी खान, मुलगी सुहाना आणि मुलगा आर्यनदेखील उपस्थित होते. त्यांनीही मतदानाचा हक्क बजावला. यावेळी मुंबईकरांनी मोठ्या संख्येने घराबाहेर पडून मतदान करावे, असे आवाहनही त्याने केले.

16:35 (IST) 20 May 2024
अभिनेत्री रेखा यांनी बजावला मतदानाचा हक्क

सदाबहार अभिनेत्री रेखा यांनी मुंबईत मतदान केलं.

15:53 (IST) 20 May 2024
Maharashtra Lok Sabha Election 2024 Phase 5 Voting Live in Marathi: महाराष्ट्रात ३ वाजेपर्यंत सरासरी ३८.७७ टक्के मतदान

महाराष्ट्रात दुपारी ३ वाजेपर्यंत सरासरी ३८.७७ टक्के मतदान झालं असून मतदारसंघनिहाय आकडेवारी पुढीलप्रमाणे…

भिवंडी- 37.06 टक्के

धुळे- 39.97 टक्के

दिंडोरी- 45.95 टक्के

कल्याण – 32.43 टक्के

मुंबई उत्तर – 39.33 टक्के

मुंबई उत्तर मध्य – 37.66 टक्के

मुंबई उत्तर पूर्व – 39.15 टक्के

मुंबई उत्तर पश्चिम – 39.91 टक्के

मुंबई दक्षिण – 36.64 टक्के

मुंबई दक्षिण मध्य- 38.77 टक्के

नाशिक – 39.41 टक्के

पालघर- 42.48 टक्के

ठाणे – 36.07 टक्के

15:51 (IST) 20 May 2024
मतदानाचा हक्क बजावणे झाले शक्य, मतदानाच्या दिवशी नवमतदारांना मिळाले मतदार ओळखपत्र

मुंबई : लोकसभा निवडणुकीच्या महाराष्ट्रातील शेवटच्या टप्प्यात २० मे रोजी सकाळी मतदानाला सुरुवात झाली. मुंबई, नवी मुंबई, ठाणे, पालघर या भागात मतदान सुरू झाले. मात्र निवडणूक आयोगाकडून मतदार ओळखपत्र न मिळाल्याने अनेक नवमतदारांचा हिरमोड झाला. परंतु पोस्टमन सोमवारी सकाळी मतदार ओळखपत्र घेऊन घरी पोहोचल्यामुळे बहुसंख्य नवमतदारांना सोमवारी मतदानाचा हक्क बजावता आला.

सविस्तर वाचा…

15:51 (IST) 20 May 2024
मिरा भाईंदरमध्ये मतदारांचा चांगला प्रतिसाद, मुख्यमंत्र्यांनी शहराचा घेतला आढावा

भाईंदर : मिरा भाईंदर शहरातून मतदानाला चांगला प्रतिसाद मिळाला. दुपारी १ पर्यत २८ टक्के मतदानाची नोंद झाली. मुख्यमंत्री एकनाथ शिंदे यांनी मिरा भाईंदर शहराला भेट दिली. यावेळी त्यांनी गाडीतून कार्यकर्त्यांशी संवाद साधला.

सविस्तर वाचा…

14:39 (IST) 20 May 2024
Mumbai Lok Sabha Election 2024 Phase 5 Voting Live Updates: आदित्य ठाकरेंचा व्हिडीओच्या माध्यमातून संदेश

मतदान केंद्रांवरील गोंधळावरून आदित्य ठाकरेंची टीका, व्यवस्था नीट लावण्याची केली मागणी

14:36 (IST) 20 May 2024
Mumbai Lok Sabha Election 2024 Phase 5 Voting Live Updates:

राज ठाकरेंनी सहकुटुंब मतदानाचा अधिकार बजावला!

14:35 (IST) 20 May 2024
Nashik Lok Sabha Election 2024 Phase 5 Voting Live Updates: मतदान यंत्रावर हार घातल्याप्रकरणी शांतिगिरी महाराजांविरोधात गुन्हा दाखल

मतदान केंद्रावर यंत्राच्या समोर हार लावल्यामुळे आदर्श आचारसंहितेचं उल्लंघन झाल्याचा मुद्दा उपस्थित करत नाशिकमधी अपक्ष उमेदवार शांतिगिरी महाराज यांच्याविरोधात गुन्हा दाखल करण्यात आला आहे. मात्र, आपण असं कोणतंही उल्लंघन केलं नसल्याचं शांतिगिरी महाराज म्हणाले आहेत. “मशीनसमोरच्या कव्हरवर भारतमातेचं चित्र होतं. तिथे आमचा भाव म्हणून आम्ही हार चढवला फक्त. पूजा वगैरे केली नाही. फक्त ठेवून दिला. आमचे वकील कायदेशीर बाबींमध्ये लक्ष घालत आहेत. हे आदर्श आचारसंहितेचं उल्लंघन आहे याची आम्हाला कल्पना नव्हती. आमची भावना स्पष्ट आहे. जळी-स्थळी-काष्टी-पाषाणी सर्वत्र भगवंत आहेत हा आमचा विश्वास आहे”, असं ते म्हणाले.

13:53 (IST) 20 May 2024
Mumbai Lok Sabha Election 2024 Phase 5 Voting Live Updates: मुंंबईत काही मतदारसंघांमध्ये ईव्हीएम मशीनमध्ये बिघाड

मुंबई आणि ठाण्यातील काही मतदारसंघांमध्ये ईव्हीएम मशीनमध्ये बिघाड झाल्यामुळे नागरिकांना मनस्ताप सहन करावा लागला. ठाण्यातील नौपाड्यात नरेश म्हस्केंनी या प्रकारावर संताप व्यक्त केला. तर मुंबईत ठाकरे गटाचे नेते आदेश बांदेकर यांनीही या परिस्थितीवर तीव्र नाराजी व्यक्त केली आहे.

13:43 (IST) 20 May 2024
Maharashtra Lok Sabha Election 2024 Phase 5 Voting Live in Marathi: महाराष्ट्रात १ वाजेपर्यंत २७.७८ टक्के मतदान

राज्यातल्या १३ मतदारसंघांमध्ये पाचव्या टप्प्यात २७.७८ टक्के मतदान झालं आहे.

मतदारसंघनिहाय आकडेवारी…

धुळे- २८.७३ टक्के दिंडोरी- ३३.२५ टक्के नाशिक – २८.५१ टक्के पालघर- ३१.०६ टक्के भिवंडी- २७.३४ टक्के कल्याण – २२.५२ टक्के ठाणे – २६.०५ टक्के मुंबई उत्तर – २६.७८ टक्के मुंबई उत्तर – पश्चिम – २८.४१ टक्के मुंबई उत्तर – पूर्व – २८.८२ टक्के मुंबई उत्तर – मध्य – २८.०५ टक्के मुंबई दक्षिण – मध्य- २७.२१ टक्के मुंबई दक्षिण – २४.४६ टक्के

13:40 (IST) 20 May 2024
Lok Sabha Election 2024 Phase 5 Voting Live Updates in Marathi: देशभरात १ वाजेपर्यंतची मतदानाची टक्केवारी

देशभरातील ४९ राज्यांमध्ये आज मतदान होत असून दुपारी एक वाजेपर्यंत सरासरी ३६.७३ टक्के मतदान पार पडलं आहे.

राज्यनिहाय आकडेवारी…

महाराष्ट्र – २७.७८ टक्के

बिहार – ३४.६२ टक्के

झारखंड – ३४.७९ टक्के

लडाख – ५२.०२ टक्के

ओडिशा – ३५.३१ टक्के

उत्तर प्रदेश – ३९.५५ टक्के

पश्चिम बंगाल – ४८.४१ टक्के

13:17 (IST) 20 May 2024
Lok Sabha Election 2024 Phase 5 Voting Live Updates in Marathi: राहुल गांधी रायबरेलीत मतदारसंघावर दाखल

काँग्रेस नेते व रायबरेली-वायनाडमधील उमेदवार राहुल गांधी यांनी आज दुपारी रायबरेली मतदारसंघातील मतदान केंद्रावर जाऊन पाहणी केली.

13:14 (IST) 20 May 2024
Mumbai Lok Sabha Election 2024 Phase 5 Voting Live Updates: सचिन तेंडुलकरचं अर्जुन तेंडुलकरसह मतदान

मी निवडणूक आयोगाचा नॅशनल आयकॉन आहे. मतदानासंदर्भात जनजागृती करण्यासंदर्भातल्या अनेक उपक्रमांमध्ये मी सहभागी होतो. त्याचा मला अभिमान आहे. समस्या दोन प्रकारे होतात. तुम्ही विचार न करता कृती करता किंवा फक्त विचार करता, त्यावर कृती करत नाहीत. मी फक्त एवढीच विनंती सगळ्यांना करेन की कृपा करून तुम्ही मतदानाला या. आपल्या देशाच्या भवितव्यासाठी हे फार महत्त्वाचं आहे – सचिन तेंडुलकर

12:40 (IST) 20 May 2024
Maharashtra Lok Sabha Election 2024 Phase 5 Voting Live in Marathi: महाराष्ट्रात महायुतीच्या ४५ जागा निवडून येतील – एकनाथ शिंदे

महाराष्ट्रात महायुतीच्या ४५ जागा निवडून येतील. विरोधकांचा सुपडा साफ होईल. ज्या बाळासाहेबांनी काँग्रेसला धडा शिकवला, त्याच बाळासाहेबांचा वारसा सांगणाऱ्यांनी काँग्रेसला अभिमानाने मतदान केलंय. हा शिवसेनेच्या आजपर्यंतच्या वाटचालीतला काळा दिवस आहे – एकनाथ शिंदे, मुख्यमंत्री

11:57 (IST) 20 May 2024
Maharashtra Lok Sabha Election 2024 Phase 5 Voting Live in Marathi: महाराष्ट्रात सकाळी ११ वाजेपर्यंत…

महाराष्ट्रात सकाळी ११ वाजेपर्यंत १५.९३ टक्के मतदान

11:56 (IST) 20 May 2024
Mumbai Lok Sabha Election 2024 Phase 5 Voting Live Updates: राज ठाकरे म्हणाले, “मी काय ज्योतिषी म्हणून बसलोय का?”

महिला मतदार टर्निंग पॉइंट असेल का? असा प्रश्न विचारताच राज ठाकरे म्हणाले, “मला माहिती नाही. मी काय ज्योतिषी म्हणून बसलोय का?”

11:55 (IST) 20 May 2024
Mumbai Lok Sabha Election 2024 Phase 5 Voting Live Updates: राज ठाकरेंची निवडणूक प्रक्रियेवर प्रतिक्रिया

उन्हाळ्याचे दिवस आहेत. आत्ताच सुरुवात झाली आहे. १०-११ वाजले आहेत. संध्याकाळी ५ वाजेपर्यंत बघू किती मतदान होतंय. मुंबईकर जास्तीत जास्त प्रमाणात बाहेर पडून मतदान करतील अशी अपेक्षा आहे. मतदारांना आवाहन म्हणून नेहमीचंच घिसंपिटं वाक्य सांगेन, मतदानाचा हक्क बजावा. पहिल्यांदाच मतदानाचा अधिकार मिळालेले तरुण-तरुणी मतदानासाठी उतरतील. पण ज्यांच्या आशा संपल्या आहेत, त्यांच्याकडून तुम्ही मतदानासाठी अपेक्षा ठेवू शकत नाहीत – राज ठाकरे

10:39 (IST) 20 May 2024
Maharashtra Lok Sabha Election 2024 Phase 5 Voting Live in Marathi:

एका बाजूला मुडदे पडले आहेत. निरपराथ लोक मरण पावले आहेत आणि तिथून समोरून देशाचे पंतप्रधान रोड शो करतात. हे किती असंवेदनशील आहे. ईशान्य मुंबईत नारायण राणे, राज ठाकरे असे सगळे आले. तुम्हाला रस्त्यावर आम्ही उतरवलंय. आता तुम्ही घाम गाळताय. राज ठाकरेंनी स्वत:च्या पक्षासाठी एवढी मेहनत घेतली असती, तर कदाचित त्यांच्या कार्यकर्त्यांना चांगले दिवस आले असते. भाजपानं अनेकांना भाड्यानं घेतलं आहे. त्यामुळे त्यांना रस्त्यावर उतरावं लागतंय. असे काय महान दिवे लावले आहेत मोदी शाहांनी? ज्या मोदी-शाहांना महाराष्ट्रात पाय ठेवू नका असं तुम्ही सांगत होतात, त्यांच्या पखाल्या वाहताना आम्ही तुम्हाला पाहिलं, आम्हाला वाईट वाटलं – संजय राऊत</p>

10:34 (IST) 20 May 2024
Maharashtra Lok Sabha Election 2024 Phase 5 Voting Live in Marathi: संजय राऊतांचा निवडणूक आयोगावर हल्लाबोल…

आज राज्यातल्या पाचव्या टप्प्यासाठी मतदान होतंय. निवडणूक आयोग पूर्णपणे सत्ताधाऱ्यांच्या अंमलाखाली आहे. तरीही विरोधक जिद्दीनं उतरले आहेत. सर्वत्र प्रचंड पैशाचा वाटप चालू आहे. निवडणूक आयोगानं काहीही कारवाई केली नाही. पैसे सोडून दिले. नंतर मुख्यमंत्र्यांच्या बॅगांमधून त्यांची चड्डी-बनियन दाखवले फक्त. अखिलेश यादव यांनी काल उत्तर प्रदेशातलं एक ट्वीट केलं. भाजपाच्या एका कार्यकर्त्यानं ७ वेळा कसं मतदान केलं हे दाखवलं. आयोगानं काय कारवाई केली? आयोग सध्या भाजपाची एक शाखा म्हणून काम करतेय – संजय राऊत</p>

10:28 (IST) 20 May 2024
नवी मुंबई: सकाळच्या प्रहरात अनेक ठिकाणी मतदानास उत्स्फूर्त प्रतिसाद

दुपारी अति तीव्र उन्हाच्या झळा लागत असल्याने सकाळी सकाळी मतदान करावे या हेतूने अनेक जण आलेले आहेत.

सविस्तर वाचा…

09:49 (IST) 20 May 2024
Maharashtra Lok Sabha Election 2024 Phase 5 Voting Live in Marathi: सकाळी ९ वाजेपर्यंतची आकडेवारी

महाराष्ट्रातील १३ मतदारसंघांमध्ये सकाळी ९ वाजेपर्यंत सरासरी ६.३३ टक्के मतदान झाल्याची माहिती समोर आली आहे.

धुळे- ६.९२ टक्के दिंडोरी- ६.४० टक्के नाशिक – ६.४५ टक्के पालघर- ७.९५ टक्के भिवंडी- ४.८६ टक्के कल्याण – ५.३९ टक्के ठाणे – ५.६७ टक्के मुंबई उत्तर – ६.१९ टक्के मुंबई उत्तर – पश्चिम – ६.८७ टक्के मुंबई उत्तर – पूर्व – ६.८३ टक्के मुंबई उत्तर – मध्य – ६.०१ टक्के मुंबई दक्षिण – मध्य- ७.७९ टक्के मुंबई दक्षिण – ५.३४ टक्के

09:36 (IST) 20 May 2024
Lok Sabha Election 2024 Phase 5 Voting Live Updates in Marathi: सिनेसृष्टीतली मांदियाळी मतदानासाठी उतरली!

अभिनेता फरहान अख्तर

अभिनेत्री शोभा खोटे

चित्रपट निर्माते कुणाल कोहली

जान्हवी कपूर

परेश रावल

राजकुमार राव

(संग्रहित छायाचित्र) फोटो-लोकसत्ता टीम

Lok Sabha Polls 2024 Phase Five Live Updates: महाराष्ट्र लोकसभा निवडणूक पाचवा टप्पा लाईव्ह अपडेट