Premium

मध्य प्रदेशमध्ये भाजपाचा बोलबाला, शिवराजसिंह चौहान यांना पुन्हा मुख्यमंत्रिपद मिळणार का?

भाजपाने मध्य प्रदेशमध्ये मुख्यमंत्रिपदाचा उमेदवार जाहीर केलेला नव्हता. पंतप्रधान नरेंद्र मोदी यांनाच केंद्रस्थानी ठेवून भाजपाने आपली प्रचारनीती आखली होती.

SHIVRAJ SINGH CHAUHAN
शिवराजसिंह चौहान (संग्रहित फोटो)

मध्य प्रदेशच्या विधानसभा निवडणुकीकडे संपूर्ण भारताचे लक्षे होते. काँग्रेसचे सरकार कोसळल्यानंतर येथे पुन्हा एकदा भाजपाचे नेते शिवराजसिंह चौहान मुख्यमंत्रिपदी विराजमान झाले होते. शिवराजसिंह हे १६ वर्षे मध्य प्रदेशचे मुख्यमंत्री राहिलेले आहेत. सध्याच्या विधानसभा निवडणुकीतही भाजपानेच बाजी मारली आहे. त्यामुळे शिवराजसिंह पुन्हा एकदा मुख्यमंत्री होणार का? असा प्रश्न उपस्थित केला जात आहे. प्रचारात भाजपाच्या केंद्रातील अनेक नेत्यांनी मध्य प्रदेशच्या निवडणुकीत प्रचार केला. मात्र एकाही नेत्याने शिवराजसिंह यांचा मुख्यमंत्रिपदाचे उमेदवार म्हणून उल्लेख केला नव्हता. म्हणूनच आता भाजपा मुख्यमंत्रिपदाची माळ कोणाच्या गळ्यात टाकणार? असा प्रश्न निर्माण झाला आहे.

या बातमीसह सर्व प्रीमियम कंटेंट वाचण्यासाठी साइन-इन करा

अनेक खासदारांना विधानसभा निवडणुकीत तिकीट

भाजपाने मध्य प्रदेशमध्ये मुख्यमंत्रीपदाचा उमेदवार जाहीर केलेला नव्हता. पंतप्रधान नरेंद्र मोदी यांनाच केंद्रस्थानी ठेवून भाजपाने आपली प्रचारनीती आखली होती. विशेष म्हणजे या निवडणुकीत पंतप्रधान नरेंद्र मोदी, केंद्रीय गृहमंत्री अमित शाह, संरक्षणमंत्री राजनाथ सिंह, भाजपाचे राष्ट्रीय अध्यक्ष जे. पी. नड्डा आदी नेत्यांनी प्रचारसभा घेतल्या. मात्र या सभांत एकाही नेत्याने शिवराजसिंह चौहान यांचा मध्य प्रदेशचे भावी मुख्यमंत्री किंवा मध्य प्रदेश भाजपाचे नेतृत्व म्हणून थेट उल्लेख केला नाही. भाजपाने अनेक खासदारांना मध्य प्रदेशच्या विधानसभा निवडणुकीत उतरवलेले आहे. त्यामुळे सध्या खासदार असलेले अनेक नेते मुख्यमंत्रिपदाच्या शर्यतीत आहेत, असे म्हटले जात आहे. त्यामुळे शिवराजसिंह चौहान यांचे काय होणार? त्यांना मुख्यमंत्रिपद मिळणार का? असे विचारले जात आहे.

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Madhya pradesh assembly election result 2023 will shivraj singh chouhan become chief minister again prd

First published on: 03-12-2023 at 13:59 IST
Next Story
“मर्द कोण हे कळलं का?” भाजपाचा उद्धव ठाकरेंना प्रश्न; राहुल गांधींवर टीका करत म्हणाले, “पनवती…”