Priyanka Gandhi Vadra Net Worth : आठ लाखांची होंडा सीआरव्ही, सोनं-चांदी अन्…; प्रियांका गांधी वाड्रा यांची एकूण संपत्ती किती?

प्रियांका गांधी वाड्रा यांनी उमेदवारी अर्ज दाखल करताना प्रतिज्ञापत्र सादर केलं आहे. त्यात त्यांनी त्यांच्या एकूण संपत्तीची माहिती दिली आहे. त्यानुसार, त्यांच्याकडे एकूण १२ कोटी रुपयांची संपत्ती आहे. यापैकी ४.२४ कोटी जंगम, तर ७.७४ कोटी रुपयांची स्थावर मालमत्ता आहे. प्रियांका गांधी यांनी काही दिवसांपूर्वीरच १.०९ कोटी रुपयांची जागा खरेदी केली. तसेच या जागेवरील बांधकामासाठी ५.०५ कोटी रुपये खर्च केले. याशिवाय २.१० कोटी रुपये त्यांना वारसा हक्काने मिळाले आहेत. प्रियांका गांधी वाड्रा यांच्यावर १५.७५ लाख रुपयांचे कर्जही आहे. २०२३-२४ या आर्थिक वर्षात प्रियांका गांधी यांचे वर्षिक उत्पन्न ४६.३९ कोटी रुपये होते. याशिवाय ३० सप्टेंबर २०२४ रोजी त्यांच्याकडे एकूम ५२ हजार रुपये नगद होती.

आणखी वाचा

Indira Gandhi: “इंदिरा गांधींना आणीबाणीचा पश्चात्ताप होत होता”, नजमा हेपतुल्ला यांचा आत्मचरित्रात दावा; विश्वासू व्यक्तींबाबतही होती तक्रार!

Rohit Patil : “अमृताहुनी गोड…”; विधानसभेत रोहित पाटलांचं…

आदिवासी क्षेत्रात ३३ लाख क्विंटल धान खरेदीचे उद्दिष्ट

Supriya Sule : दादांचा भाऊ म्हणून अभिमान वाटतो का? अजित पवारांच्या प्रश्नावर सुप्रिया सुळे म्हणाल्या….

Devendra Fadnavis : “सिंहासनाचा मी हक्कदार होतो…” देवेंद्र फडणवीस यांच्याबद्दल सदाभाऊ खोत नेमकं काय?

प्रियांका गांधी लोकसभेत; गांधी घराण्याचा संसदीय इतिहास जाणून घ्या

जिंकावे नि जगावेही : खरी संपत्ती

Devendra Fadnavis : “देवेंद्र फडणवीस मुख्यमंत्री होत आहेत ही चांगली गोष्ट, लोकप्रिय मुख्यमंत्री म्हणून..” काँग्रेसच्या बड्या नेत्याची स्तुतीसुमनं

हेही वाचा – Priyanka Gandhi : ‘मी ३५ वर्षे दुसऱ्यांसाठी मतं मागितली, पण पहिल्यांदाच स्वत:साठी…’, प्रियंका गांधींचं वायनाडकरांना भावनिक आवाहन

शेअर बाजार आणि इतर क्षेत्रातील गुंतवणूक

प्रियंका गांधी यांच्याकडे २.२४ कोटी रुपयांचे म्युच्युअल फंड आहेत. ज्यात फ्रँकलिन इंडिया फ्लेक्सी कॅप-ग्रोथच्या १३ हजार २०० युनिट्सचा समावेश आहे. तसेच त्यांच्या पीपीएफ खात्यात १७.३८ लाख रुपये, तर बँक खात्यात ३.६० लाख रुपये आहेत. प्रियांका गांधी यांच्याकडे शेअर्स नाहीत, पण त्यांचे पती रॉबर्ट वाड्रा यांच्याकडे उषा मार्टिन, इन्फोसिस, टाटा पॉवर, एनआयआयटी आणि रेल विकास निगम यांसारख्या कंपन्यांचे शेअर्स आहेत.

कार, ​​सोने, चांदी आणि जमीन

प्रियंका गांधी यांच्याकडे ८ लाख रुपयांची होंडा सीआरव्ही ही गाडी आहे. ही गाडी त्यांना त्यांचे पती रॉबर्ट वाड्रा यांनी भेट दिली आहे. याशिवाय त्यांच्याकडे १.१५ कोटी रुपयांचे सोने आणि २९ लाख रुपयांची चांदी आहे. प्रियांका यांच्याकडे दिल्लीतील सुलतानपूर मेहरौली गावात एक शेतजमीन आहे. या शेतजमीनीची किंमत २.१० कोटी रुपये आहे. यात भाऊ राहुल गांधी यांचाही हिस्सा आहे. याशिवाय प्रियांका यांचे हिमाचल प्रदेशातील शिमला येथे ५.६३ कोटी रुपयांचे घर आहे.

हेही वाचा – Navya Haridas: प्रियांका गांधींना वायनाडमध्ये तगडं आव्हान; RSS ची पार्श्वभूमी असलेली नव्या हरिदास केरळमध्ये कमळ फुलविणार?

रॉबर्ट वाड्रा यांच्याकडे किती पैसे आहेत?

रॉबर्ट वाड्रा यांची एकूण संपत्ती ६५.५ कोटी रुपये आहे. ज्यामध्ये ३७.९ कोटी रुपयांची जंगम, तर २७.६४ कोटी रुपयांची स्थावर मालमत्ता आहे. रॉबर्ट वाड्रा यांना भाडे, व्यवसाय, व्याज, गुंतवणूक आणि इतर काही स्रोतांमधून उत्पन्न मिळते.