लोकसभा निवडणुकीच्या पाचव्या टप्प्यात आज मुंबईतील सहा जागांवर मतदान पार पडत आहेत. त्यासाठी मतदान केंद्रावर नागरिकांच्या रांगा लागल्या आहेत. मात्र, काही ठिकाणी ईव्हीएम मशीन बंद पडल्याच्या तर काही ठिकाणी संथगतीने मतदान सुरू असल्याच्या तक्रारी येत आहेत. यावरून उद्धव ठाकरे यांनी निवडणूक आयोगाच्या कार्यपद्धतीवर प्रश्न उपस्थित केले आहेत. तसेच त्यांनी भाजपालाही लक्ष्य केलं आहे.

मुंबईत संथगतीने मतदान सुरु असल्याच्या तक्रारींनंतर उद्धव ठाकरे यांनी आज मुंबईत पत्रकार परिषद घेत निवडणूक आयोगाच्या कार्यपद्धतीवर टीका केली. यावेळी बोलताना निवडणूक आयोग भाजपाची चाकरी करत असल्याचा आरोपही त्यांनी केला. तसेच मुंबईतील ज्या मतदान केंद्रावर शिवसेनेची मतं आहेत, त्या ठिकाणी जाणीवपूर्वक संथगतीने मतदान सुरु असेही ते म्हणाले.

navi Mumbai lok sabha voting
Maharashtra Lok Sabha Election 2024 Phase 5 Voting Live: महाराष्ट्रात सायंकाळी ५ वाजेपर्यंत ४८.६६ टक्के मतदान!
Pune porsche Car Accident
पुण्यातील पोर्श गाडी अपघात प्रकरणाची देवेंद्र फडणवीसांकडून दखल; कठोर कारवाईचे दिले आदेश
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
Ian Bremmer prashant kishor
भाजपाला किती जागा मिळणार? प्रशांत किशोरांपाठोपाठ अमेरिकन राजकीय संशोधकाने केलं विश्लेषण
Manoj Jarange Warning to Devendra Fadnavis
लोकसभेच्या निकालानंतर मनोज जरांगेंचा देवेंद्र फडणवीसांना इशारा, “..तर विधानसभेला इंगा”
PM narendra modi and joe biden
Lok Sabha Election Result 2024 Updates : इंडिया आघाडीचं ठरलं; सध्या ‘वेट अँड वॉच’च्या भूमिकेत, पण योग्य वेळी योग्य पाऊल उचलण्याचं सूचक विधान!
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य
sharad pawar narendra modi (4)
“जर मोदींना स्पष्ट बहुमत मिळालं नाही, तर ते…”, शरद पवारांचं मोठं विधान; निवडणूक निकालांबाबत केलं भाष्य!

हेही वाचा – “तोंडावर कधीच आपटलेत, आता त्यांची तोंड फुटतील”; मुख्यमंत्री एकनाथ शिंदे यांचा उद्धव ठाकरेंवर हल्लाबोल

काय म्हणाले उद्धव ठाकरे?

“आज महाराष्ट्रातील मतदानाचा शेवटचा टप्पा आहे. त्यासाठी शेवटचे काही तास बाकी आहेत. यावेळी मतदारांमध्येही उत्साह आहे. त्यामुळे मतदान केंद्रांवर मतदारांची खूप गर्दी आहे. मात्र, ज्या मतदान केंद्रावर शिवसेनेची मते आहेत, तिथे मतदान प्रक्रिया संथगतीने सुरू आहे. पराभवाच्या भीतीने जाणीवपूर्वक हा प्रकार सुरू आहे. निवडणूक आयोग पक्षपातीपणा करत असून ते केवळ भाजपाच्या इशाऱ्यावर काम करते आहे”, असा आरोप उद्धव ठाकरे यांनी केला.

“पराभवाच्या भितीपोटी हा प्रकार सुरू”

पुढे बोलताना, “निवडणूक आयोगाच्या प्रतिनिधींकडून दिरंगाई केली जात असून त्याचा त्रास मतदारांना त्रास होतो आहे. काही मतदान केंद्रावर पिण्याच्या पाण्याचीदेखील सोय नाही. तरीही मतदार रांगा लाऊन उभे आहे. मात्र, जाणीवपूर्वक संथगतीने मतदान सुरू आहे. केवळ पराभवाच्या भितीपोटी हा प्रकार सुरू आहे”, असेही ते म्हणाले.

“…तर ते खपवून घेतलं जाणार नाही”

“ज्या मतदान केंद्रांवर संथगतीने मतदान सुरू आहे. त्याठिकाणी नागरिकांनी निवडणूक अधिकाऱ्यांचे नाव विचारावे. त्याची माहिती शिवसेनेच्या शाखेत द्यावी, उद्या न्यायालयात दाद मागताना ही माहिती कामी येईल. तसेच मी पत्रकारपरिषदेत याची माहिती देईल. कारण नसताना अधिकारी छळ करत असतील तर ते खपवून घेतलं जाणार नाही”, अशी प्रतिक्रियाही त्यांनी दिली.

हेही वाचा – “…तर निवृत्ती घेतली असती”; फडणवीसांचं मोठं विधान; उद्धव ठाकरेंवर टीका करताना म्हणाले, “जर वेळ आली”

“मतदान केल्याशिवाय नागरिकांनी जाऊ नये”

पुढे बोलताना नागरिकांनी कोणत्याही परिस्थिती मतदान केल्याशिवाय मतदान केंद्र सोडू नये, असे आवाहनही त्यांनी केले. “मतदान करणे हा आपला हक्क आहे. हा हक्क आपण बजावायलाच हवा. कितीही उशीर झाला, तरी मतदान केल्याशिवाय नागरिकांनी मतदान केंद्रातून बाहेर पडू नये”, असे ते म्हणाले. तसेच “मोदी सरकार पराभवाच्या भीती घाबरले असून निवडणूक आयोग भाजपाची चाकरी करत आहेत”, अशी टीकाही त्यांनी केली.