अनेक संस्था आणि वृत्तवाहिन्यांनी त्यांचे लोकसभा निवडणुकीचे एक्झिट पोल्स जाहीर केले आहेत. जवळपास सर्वच एक्झिट पोल्सच्या अंदाजानुसार देशात भाजपाप्रणित एनडीएला बहुमत मिळणार आहे. तर इंडिया आघाडीचा अद्याप देशात फारसा प्रभाव नसल्याचा दावा केला जात आहे. दरम्यान, काही संस्थांनी देशभरातील महत्त्वाच्या मतदारसंघांचं सर्वेक्षण करून त्या जागांवर कोणता उमेदवार जिंकेल याबाबतचे एक्झिट पोल्स जाहीर केले आहेत. यामध्ये उत्तर प्रदेशमधील रायबरेली आणि अमेठी या दोन मतदारसंघांचाही समावेश आहे. या दोन्ही जागांवर काँग्रेस आणि भाजपात प्रतिष्ठेची लढाई पाहायला मिळणार आहे. अमेठी हा गेल्या अनेक दशकांपासून काँग्रेसचा बालेकिल्ला राहिला आहे. मात्र २०१९ च्या लोकसभा निवडणुकीत भाजपा उमेदवार स्मृती ईराणी यांनी या मतदारसंघात राहुल गांधींचा पराभव केला होता. यावेळी राहुल गांधी यांनी अमेठीतून लोकसभा निवडणूक लढवली नाही. तर ते रायबरेली या त्यांच्या आईच्या म्हणजेच सोनिया गांधींच्या मतदारसंघातून निवडणूक लढत आहेत. सोनिया गांधी यांनी यावर्षी लोकसभा निवडणुकीतून माघार घेतली आहे. दुसऱ्या बाजूला, भाजपाने या मतदारसंघात जोरदार मोर्चेबांधणी केली होती.

बहुसंख्य एक्झिट पोल्समध्ये दावा करण्यात आला आहे की, अमेठीत पुन्हा एकदा स्मृती ईराणी या विजयी होतील. केवळ एका एक्झिट पोलमध्ये असा दावा करण्यात आला आहे की, अमेठीत काँग्रेस उमेदवार के. एल. शर्मा विजयी होऊ शकतात.

Congress, Wardha, Lok Sabha elections,
वर्धा : लोकसभा निवडणुकीवेळी का आले नाही? काँग्रेस नेत्यांचा निरीक्षकास सवाल
dr dhairyavardhan pundkar
‘‘काँग्रेस म्हणजेच भाजप”, वंचितने मतफुटीवरून डिवचले; लोकसभा निवडणुकीतही…
nana patole on congress mla cross voting
विधानपरिषद निवडणुकीत काँग्रेसची मते फुटल्याचा दावा; नाना पटोले म्हणाले, “ज्या आमदारांनी…”
is Congress building a front on 288 seats on its own for the assembly elections
आघाडीत बिघाडी होणार…? काँग्रेसकडून सर्व २८८ जागांवर…
There is no alliance in Haryana Delhi Congress leader Jairam Ramesh signal
हरियाणा, दिल्लीत आपशी युती नाही! काँग्रेस नेते जयराम रमेश यांचे संकेत
Wardha, victory, Lok Sabha,
लोकसभा निवडणुकीतील विजयामुळे प्राधान्यात बदल, आता ‘हा’ विधानसभा मतदारसंघ राष्ट्रवादीच्या अजेंड्यावर
Hitendra Thakur, Challenge,
बालेकिल्ल्यातच पिछेहाट, विधानसभा निवडणुकीत हितेंद्र ठाकूर यांच्यासमोर आव्हान
Praniti Shinde, Assembly,
प्रणिती शिंदे यांची विधानसभेसाठी कसोटी

अमेठीचा एक्झिट पोल

संस्थास्मृती ईराणीके. एल. शर्मा
POLSTRATविजयीपराभव
ETCविजयीपराभव
स्कूल ऑफ पॉलिटिक्सपराभवविजयी
महापोलविजयीपराभव
अ‍ॅक्सिसविजयीपराभव

दुसऱ्या बाजूला, रायबरेलीत राहुल गांधींचा विजय होईल, असा अंदाज सर्वच एक्झिट पोल्समध्ये व्यक्त करण्यात आला आहे. भाजपाने दिनेश प्रताप सिंह यांना रायबरेलीतून लोकसभेचं तिकीट दिलं आहे. काँग्रेसने अगदी शेवटच्या क्षणी राहुल गांधी यांना रायबरेलीतून लोकसभेचं तिकीट दिलं होतं. त्यानंतर राहुल गांधी यांना येथे प्रचार करण्यासाठी फार वेळ मिळाला नव्हता. मात्र राहुल गांधींच्या अनुपस्थितीत त्यांची थोरली बहीण आणि काँग्रेसच्या सरचिटणीस प्रियांका-गांधी वाड्रा यांनी रायबरेलीत काँग्रेसचा जोरदार प्रचार केला होता. रायबरेलीच्या कानाकोपऱ्यात काँग्रेसचं जाळं आहे, जे राहुल गांधींना विजयी करेल असं दिसतंय.

रायबरेलीचा एक्झिट पोल

संस्थाराहुल गांधीदिनेश प्रताप सिंह
POLSTRATविजयीपराभव
अ‍ॅक्सिसविजयीपराभव
ETCविजयीपराभव
महापोलविजयीपराभव

लोकसभा निवडणुकीच्या सातव्या आणि अखेरच्या टप्प्यातील मतदान शनिवारी (१ जून) सायंकाळी पार पडलं. त्यानंतर अनेक संस्था आणि वृत्तवाहिन्यांनी त्यांचे मतदानोत्तर चाचण्यांचे अहवाल (एक्झिट पोल) जाहीर केले. त्यानुसार देशात भाजपाप्रणित रालोआला (एनडीए) सरासरी ३५० हून अधिक जागा मिळू शकतात. तर, विरोधी पक्षांची इंडिया आघाडी ही जेमतेम १२५ ते १५० जागांपर्यंत मजल मारू शकेल, असा दावा करण्यात आला आहे.