लोकसत्ता विश्लेषण: ११ हजार कोटी, ३२ किलोमीटर, परदेशी गुंतवणूक…कानपूर मेट्रो प्रकल्प देशासाठी का महत्त्वाचा?

हा प्रकल्प देशासाठी का महत्त्वाचा मानला जातो? या प्रकल्पाची वैशिष्ट्ये काय आहेत?

• पंतप्रधान नरेंद्र मोदी यांनी आज कानपूर मेट्रो प्रकल्पाच्या ज्या टप्प्याचं उद्घाटन केलं तो टप्पा एकूण ९ किलोमीटरचा आहे. आयआयटी कानपूर ते मोती झील परिसर हा तो टप्पा आहे. पंतप्रधान मोदींनी आज या परिसरातल्या कामाची पाहणी केली, तसंच मेट्रोतून गीतानगरपर्यंत प्रवासही केला.
• कानपूरमधल्या या संपूर्ण प्रकल्पाची लांबी ३२ किलोमीटर आहे. तर हा प्रकल्प उभारण्यासाठी ११ हजार कोटीहून अधिक खर्च करण्यात आला आहे.
• या मेट्रो प्रकल्पाचा दुसरा टप्पा मोती झील ते ट्रान्सपोर्ट नगर परिसर हा असेल.

हेही वाचा – देशातल्या सर्वात वेगवान मेट्रोतून पंतप्रधान नरेंद्र मोदींनी केली सफर; पाहा व्हिडीओ

• कानपूर मेट्रोचं काम १५ नोव्हेंबर २०१९ रोजी सुरू झालं होतं.
  
• पहिल्या टप्प्यातल्या मेट्रोमार्गाची चाचणी उत्तरप्रदेशचे मुख्यमंत्री योगी आदित्यनाथ यांच्या हस्ते यावर्षी १० नोव्हेंबरला करण्यात आली होती.
  
• ३१ डिसेंबरपासून हा पहिला टप्प्यातला मेट्रोमार्ग व्यावसायिक सेवेसाठी खुला करण्यात येईल.
  
• युरोपियन इन्व्हेस्टमेंट बँक (EIB) ने कानपूर मेट्रोमध्ये ६५० दशलक्ष युरो गुंतवण्याचा प्रस्ताव ठेवला आहे. युरोपिय संघाबाहेरचा हा या बँकेचा दुसरा मोठा प्रकल्प आहे.
  
• EIB ही युरोपिय संघाची अधिकृत बँक आणि जगातील सर्वात मोठी आंतरराष्ट्रीय सार्वजनिक बँक आहे. EIB ने यापूर्वी लखनौ मेट्रोच्या विकासासाठी ४५० दशलक्ष युरोचे कर्ज मंजूर केले होते.