Fifa World Cup 2018 BEL vs TUN : फिफा विश्वचषक स्पर्धेत आज झालेल्या दिवसाच्या पहिल्या सामन्यात बेल्जीयमने ट्युनिशियाचा ५-२ने धुव्वा उडवला. या विजयाबरोबर बेल्जीयमने ग गटातून बाद फेरीतील आपले स्थान निश्चित केले. पहिल्या सामन्यात २ गोल करणाऱ्या लुकाकूने या सामन्यातही आपली लकाकी कायम ठेवत २ गोल केले. या सामन्यात लुकाकूने ऐतिहासिक कामगिरी करत अर्जेंटिनाच्या दिग्गज फुटबॉलपटू दिएगो मॅराडोना यांच्या कामगिरीशी बरोबरी साधली. विश्वचषक स्पर्धेच्या सलग दोन सामन्यांमध्ये २ किंवा त्यापेक्षा अधिक गोल करणारा लुकाकू हा १९८६ सालानंतरचा पहिला खेळाडू ठरला. १९८६ साली डीएगो मॅराडोना यांनी अर्जेटिनाकडून खेळताना विश्वचषकात सलग २ सामन्यात २ किंवा अधिक गोल करण्याची किमया केली होती. मॅराडोनाचे हे दोन सामने इंग्लंड आणि बेल्जियम यांच्याविरोधात होते. विश्वचषकाच्या सलग दोन सामन्यांत 2 किंवा त्याहून अधिक गोल करणारा रोमेलू लुकाकू ठरला 1986 सालानंतरचा पहिला खेळाडू, याआधी डिएगो मॅराडोनानं 1986च्या विश्वचषकात सलग 2 सामन्यांत (इंग्लंड आणि बेल्जियमविरुद्ध) केलेले गोल @LoksattaLive @PrathmeshDixit2 @kridajagat #LUKAKU #WORLDCUP #BEL pic.twitter.com/HPkf6nhvbL — VIJAY SHINDE (@vijaymajha) June 23, 2018 आज ३२ वर्षांनंतर लुकाकूने ही कामगिरी करत त्यांच्या कामगिरीही बरोबरी साधली आहे. त्याने पहिल्या सामन्यात पनामाविरुद्ध २ गोल केले होते. हा सामना बेल्जीयमने ३-०ने जिंकला होता. याशिवाय, रोमेलू लुकाकूने आजच्या सामन्यात आणखी एक महत्वाची कामगिरी केली. लुकाकू हा बेल्जियम संघाकडून फिफा विश्वचषक स्पर्धेत खेळताना सर्वाधिक गोल करणारा खेळाडू ठरला. त्याने आज केलेला गोल हा विश्वचषक स्पर्धांमधील ७ वा गोल ठरला. रोमेलू लुकाकू ठरला बेल्जियमकडून फिफा विश्वचषकात सर्वाधिक गोल करणारा खेळाडू, लुकाकुचे विश्वचषकात 7 गोल @LoksattaLive @PrathmeshDixit2 @kridajagat #BEL #Worldcup — VIJAY SHINDE (@vijaymajha) June 23, 2018 मुख्य म्हणजे या स्पर्धेत त्याचा हा चौथा गोल होता. या कामगिरीमुळे त्याने पोर्तुगालच्या ख्रिस्तियानो रोनाल्डोच्या या स्पर्धेतील गोलकमाईशी बरोबरी साधली आहे. रोनाल्डोनेही २ सामन्यात ४ गोल केले आहेत.