News Flash

FIFA World Cup 2018 Video : भर सामन्यात पक्ष्याचा जीव वाचवण्यासाठी स्पेनच्या खेळाडूची धडपड

FIFA World Cup 2018 Video : स्पेनच्या खेळाडूने सुरू असलेला सामना थांबवला.

FIFA World Cup 2018 Video : फिफा विश्वचषक स्पर्धेत बुधवारी बलाढ्य स्पेनने इराणवर १- ० ने मात केली. खूप संघर्ष केल्यांनतर स्पेनला हा विजय मिळाला. संपूर्ण सामन्यात केवळ स्पेनकडून एकमेव गोल करण्यात आला. आक्रमण फळीतील डिएगो कोस्टा याने हा गोल करत स्पेनला १-०ने आघाडी मिळवून दिली. ही आघाडी शेवटपर्यंत तशीच ठेवण्यात स्पेनला यश आले.

डिएगो कोस्टाने स्पर्धेतील सलग दुसऱ्या सामन्यात गोल केला. वर्ल्डकपमधील दुसऱ्या मॅचमध्ये त्याने हा तिसरा गोल केला. या विजयासह स्पेनने ब गटात पोर्तुगालबरोबर संयुक्तपणे अव्वलस्थानी झेप घेतली. कझान स्टेडियमवर रंगलेल्या या सामन्यात इराणने स्पेनला चांगली टक्कर दिली. मध्यंतरापर्यंत दोन्ही संघांना एकही गोल मारता आला नाही. ५४ व्या मिनिटाला डिएगो कोस्टाने गोल मारुन संघाला १- ० अशी आघाडी मिळवून दिली. इराणची बचाव फळी आणि गोलकिपरने स्पेनला चांगलेच झुंजवले.

पण या सामन्यात स्पेनच्या खेळाडूंच्या भूतदयेचे दर्शन घडले. सामन्याच्या दरम्यान एक पक्षी उडत उडत मैदानावर आला. नेमका त्या वेळेसच बचाव फळीतील जेरार्ड पीक याचा तोल जाऊन त्याचा त्या पक्षाला धक्का लागला. पक्ष्याला थोडी दुखापत झालेली पाहताच स्पेनच्या मधल्या फळीतील इस्को या खेळाडूने त्या पक्षाला अगदी अलगदपणे उचलले आणि मैदानाबाहेर नेऊन ठेवले.

या व्हिडीओ सोशल मीडियावरही व्हायरल झाला. त्यानंतर इस्कोच्या या सहानुभूतीपूर्वक वागणुकीचे सर्वत्र कौतुक करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2018 7:26 pm

Web Title: fifa world cup 2018 video spain isco saves bird on ground
टॅग : Spain
Next Stories
1 FIFA World Cup 2018 : शतकी सामन्यातील विजयानंतर सुआरेझने केली ‘ही’ खास घोषणा
2 FIFA World Cup 2018 : गुड, बॅड अँड अग्ली!! लुई सुआरेझच्या व्यक्तिमत्वाचे तीन पैलू
3 FIFA World Cup 2018 : पराभवानंतर पत्नीकडून फुटबॉलपटूचे ‘हृदयस्पर्शी’ सांत्वन; सोशल मिडीयाही भावूक
Just Now!
X