27 May 2020

News Flash

FIFA World Cup 2018 IRAN VS MOROCCO: इराणला कडवी टक्कर दिली पण शेवटच्या मिनिटांमध्ये मोरोक्कोचा झाला घात

अतिरिक्त वेळेत मोरोक्कोच्या फुटबॉलपटूने गोल पोस्टच्या दिशेने येणारा चेंडू हेडरद्वारे बाहेर मारण्याच्या प्रयत्नात स्वत:च्या गोल पोस्टमध्ये मारुन ओन गोल केला.

ग्रुप बी च्या मोरोक्को विरुद्ध इराण या पहिल्या सामन्यात इराणने मोरोक्कोवर १-० ने विजय मिळवला आहे. अतिरिक्त वेळेत मोरोक्कोच्या फुटबॉलपटूने गोल पोस्टच्या दिशेने येणारा चेंडू हेडरद्वारे बाहेर मारण्याच्या प्रयत्नात स्वत:च्या गोल पोस्टमध्ये मारुन ओन गोल केला. १९९८ नंतर इराणने फुटबॉल वर्ल्डकपमध्ये दुसऱ्या विजयाची नोंद केली आहे. १९९८ वर्ल्डकपमध्ये इराणने अमेरिकेला २-१ गोल फरकाने नमवले होते.

तब्बल २० वर्षांच्या वनवासानंतर मोरोक्कोचा संघ पुन्हा फिफा विश्वचषकास पात्र ठरला होता. त्यांनी इराणच्या संघाला शेवटपर्यंत कडवी लढत दिली. पण अखेरच्या काही मिनिटांमध्ये गोल वाचवण्याच्या नादात घात झाला. मोरोक्कोचा संघ फिफा विश्वचषकात १९७० सालापासून खेळत आला आहे.

परंतु १९९८साली फ्रान्समध्ये झालेल्या विश्वचषकानंतर त्यांचा संघ पात्रच ठरू शकला नव्हता. त्यामुळे आता दोन दशकांनंतर सुरू होत असलेल्या आपल्या अभियानाला विजयाने प्रारंभ करण्याच्या निर्धारानेच मोरोक्कोचा संघ मैदानात उतरला होता तर दुसरीकडे इराणचा संघ प्रथमच सलग दुसऱ्यांदा विश्वचषकास पात्र ठरला आहे.

इराणच्या खेळाडूंना ‘नायके’चे बूट नाही
अमेरिकेने इराणवर लादलेल्या र्निबधांमुळे नायके कंपनी त्यांच्या फुटबॉलपटूंना बूट पुरवणार नसल्याचे त्यांनी म्हटले आहे. त्यावर प्रतिक्रिया व्यक्त करताना इराणचे प्रशिक्षक कार्लोस क्विरोझ यांनी आमच्या खेळाडूंमध्ये चांगली एकजूट असल्याने मोरोक्कोविरुद्ध खेळताना असल्या बाबींमुळे आम्हाला फारसा फरक पडत नसल्याचे म्हटले आहे. किंबहुना, त्यामुळे खेळाडूंचा आपापसातील बंध अधिक दृढ झाल्याचे नमूद केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2018 10:40 pm

Web Title: iran vs morocco football world cup
Next Stories
1 FIFA World Cup 2018 EGY vs URU : निर्णायक क्षणी गोल करत उरुग्वेची इजिप्तवर मात
2 FIFA World Cup 2018 POR vs SPA : पोर्तुगालला रोखण्यासाठी स्पेनच्या या ५ खेळाडूंवर असेल नजर
3 FIFA World Cup 2018 Flashback : वर्ल्डकपची हरवलेली ट्रॉफी आणि ‘तो’ कुत्रा … जाणून घ्या काय आहे कहाणी
Just Now!
X