FIFA World Cup 2018 POL vs SEN : फिफा विश्वचषक स्पर्धेत आजचा दिवस हा बलाढ्य संघांना धक्का देणारा ठरला. पहिल्या सामन्यात बलाढ्य कोलंबियाला जपानने पराभूत केल्यानंतर दुसऱ्या सामन्यात क्रमवारीतील ८व्या स्थानी असलेल्या पोलंडवर पराभवाची नामुष्की ओढवली. २७व्या स्थानी असलेल्या सेनेगलने पोलंडला २-१ असे पराभूत केले. #SEN WIN!@FootballSenegal record Africa's first victory of the 2018 FIFA #WorldCup with a 2-1 victory over #POL! #POLSEN pic.twitter.com/CaY90Icim1 — FIFA World Cup (@FIFAWorldCup) June 19, 2018 या सामन्यावर पहिल्यापासूनच सेनेगलचे वर्चस्व पाहायला मिळाले. पूर्वार्धात ३७व्या मिनिटाला सिओनेकने स्वयंगोल करत सेनेगलला आघाडी मिळवून दिली. त्यांनतर उत्तरार्धात ६०व्या मिनिटाला नियंगने गोल करत सेनेगलची आघाडी वाढवली. ८५व्या क्रायचोवीकने १ गोल करत पोलंडला पराभवाच्या छायेतून काढायचा प्रयत्न केला. पण त्यांनतर एकही गोल न झाल्याने सामना सेनेगलने जिंकला. फिफा विश्वचषकात सेनेगलचा पोलंडवर 2-1 असा सनसनाटी विजय, यंदाच्या विश्वचषकात आफ्रिकन देशाचा पहिला विजय @LoksattaLive @PrathmeshDixit2 @kridajagat #worldcup #SENEGAL #SEN @MarathiBrain — VIJAY SHINDE (@vijaymajha) June 19, 2018 या विजयाबरोबर या स्पर्धेत विजय मिळवणारा सेनेगल हा पहिला आफ्रिकन देश ठरला आहे. सेनेगलच्या विजयामुळे एच गटातील क्रमवारी अत्यंत चुरशीची झाली असून जपान या गटात अव्वल आहे. सेनेगल दुसऱ्या स्थानी पोहोचला आहे. तर बलाढ्य समजला जाणारा पोलंड तिसऱ्या आणि कोलंबिया चौथ्या स्थानी फेकली गेला आहे.