गणपतीच्या आगमनाला आता अवघे काही दिवस उरले असून गणेशमंडळांनी स्वागताची जय्यत तयारी केली आहे. आता ढोल- ताशा पथकांच्या गगनभेदी आवाजात मिरवणूक काढण्याची पद्धत पुण्यापाठोपाठ मुंबईतही रुढ होत आहे. मुंबईतही ढोल-ताशा पथकांची संख्या वाढू लागली असून आता मुंबईतील गणेश मिरवणुकीत डीजेच्या दणदणाटाच्या बरोबरीने ढोल-ताशांच्या ढणढणाटाचा स्वर टीपेला पोहोचणार आहे. डोंबिवलीतील 'व्योम' ढोल- ताशा पथक गेल्या काही दिवसांपासून जय्यत तयारी करत आहे. शिस्तबद्ध आणि लयबद्ध मिरवणूक हे या ढोल पथकाचे खास वैशिष्ट्य. या ढोल-ताशा पथकात ४० ते ५० ते सदस्य आहेत. हौस म्हणून आणि परंपरेची जपणूक, जतन आणि संवर्धन याला चालना मिळावी म्हणून ते पथकात सहभागी होतात. चला तर मग पाहूयात या ढोल- ताशा पथकाची जय्यत तयारी..
