scorecardresearch

Premium

बाप्पाच्या आगमनाला पुणेकरांचा सजीव देखावा! कसबा पेठेतील ‘या’ मंडळाची भन्नाट कल्पना कशी सुरु झाली?

Pune Ganesh Utsav 2023: केवळ १० दिवस प्रयोग असले तरीही त्या दहा दिवसांसाठी ‘त्यांना’ एखाद्या सेलिब्रेटी प्रमाणे वागणूक मिळते. त्यामुळे यावर्षी मानाच्या गणपतींसह या खास देखाव्यांना, गणपती मंडपांना भेट द्यायला विसरू नका.

Pune Kasba Peth Ganpati Mandal Make Live Decoration With Human Artist Know Amazing History Of Manache Ganpati
पुण्यात यंदा गणेशोत्सवात 'या' मंडळाला भेट द्यायला विसरू नका (फोटो: युट्युब)

Pune Ganesh Utsav 2023: आपल्या सगळ्यांच्या लाडक्या बाप्पाचं आगमन हे आता काही दिवसांवर आलं आहे, आणि प्रत्येक घराघरात त्याच्या आगमनाची तयारी देखील सुरु झाली आहे. घरांप्रमाणेच प्रत्येक मंडळ देखील यावर्षी नवीन काय करायचं, मंडपाची सजावट कशी करायची, कार्यक्रम कोणते ठेवायचे याची तयारी करत आहेत. आता गणेशोत्सव केवळ भारतातच नव्हे तर भारताबाहेर देखील युके, कॅनडा, अमेरिका, ऑस्ट्रेलिया, न्युझीलंड यांसारख्या देशात साजरा केला जातो. तरीही विशेष आकर्षण हे मात्र मुंबई-पुण्यातल्या देखाव्यांचंच असतं असं म्हणायला हरकत नाही. मुंबईतील लालबागचा राजा, मुंबईचा राजा, गिरगावचा राजा हे प्रसिद्ध आहेत त्याचप्रमाणे, पुण्यातल्या कसबा पेठ गणपती, तांबडी जोगेश्वरी, गुरुजी तालीम, तुळशीबाग व केसरीवाडा या मानाच्या गणपतींसह दगडूशेठ गणपतीला भेट देण्यासाठीसुद्धा लोकं प्रचंड गर्दी करतात. पुण्यातील गणेशोत्सवाबाबत अजून एक खास आकर्षण म्हणजे सजीव किंवा जिवंत देखावे!

आता हे सजीव किंवा जिवंत देखावे म्हणजे काय? तर ४ ते ६ कलाकार साधारण १० मिनिटांचं एक नाट्य सादर करतात. त्या नाटकाचे गणेशोत्सवादरम्यान रोज संध्याकाळ ते रात्रीपर्यंत ८ ते ९ प्रयोग होतात. या देखाव्यायाची सुरवात खरंतर महिनाभर आधीच होते. त्यामध्ये स्क्रिप्ट लिहिणं, त्याचं व्हॉइस रेकोर्डिंग करणं, कलाकारांसोबत ते नाटक बसवणं, सेट उभारणं, लाईट्स व म्युझिक या सगळ्या गोष्टींची जय्यत तयारी असते.

dene samajache marathi news, dene samajache initiative pune marathi news
स्वयंसेवीक्षेत्राला पाठबळ देणारा ‘देणे समाजाचे’ उपक्रम!
pune, wall of old wada, collapsed, budhwar peth, Firefighters, Save, 2 persons,lives,
पुणे : बुधवार पेठेत जुन्या वाड्याची भिंत कोसळली; अग्निशमन दलाच्या जवानांमुळे दोघांचे प्राण वाचले
Abhishek Ghosalkar Murder
Abhishek Ghosalkar Shot Dead : “आधी अंधार केला, मग कार्यालयात नेलं अन्….”, प्रत्यक्षदर्शीने सांगितला घोसाळकर यांच्या हत्येचा थरारक घटनाक्रम
PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”

या जिवंत देखाव्याची सुरवात ही साधारण १९९५ नंतर दादा पासलकर, त्यांचे सहकारी, वृंदा साठे व इतर कलाकारांनी केली. नाटकप्रेमी व हौशी कलाकारांना यातून वाव मिळावा, हा साधा हेतू होता. २००४ पासून कसबा पेठेतील साईनाथ गणपती मंडळाने जिवंत देखावा सादर करण्यास सुरवात केली, व त्यानंतर आता प्रत्येक छोट्या-मोठ्या मंडळांनी देखील या देखाव्यांना भरपूर पसंती दिली आहे.

हे ही वाचा<< १ वाटी बेसन, दह्यासह ‘हा’ पदार्थ वापरून तांब्याची भांडी करा लख्ख; दिवा, ताम्हण घासायचे कष्टच नाही, Video पाहा

या देखाव्यांमध्ये ऐतिहासिक घटना, सर्वसामान्यांचे प्रश्न, राजकीय विषयांसोबतच, सामाजिक विषयही अगदी सहजतेने मांडले जातात. १० ते १२ मिनिटांच्या या नाटकांतून जमलेल्या प्रेक्षकांसमोर गंभीर विषयसुद्धा हसत-खेळत सादर केले जातात. या जिवंत देखाव्यांमध्ये नाटकाची आवड असणाऱ्या शाळकरी मुलांपासून ते अगदी ४०-५० वर्षांची हौशी मंडळीसुद्धा आनंदाने सहभागी होतात. केवळ १० दिवस याचे प्रयोग असले तरीही त्या दहा दिवसांसाठी त्यांना एखाद्या सेलिब्रेटी प्रमाणे वागणूक मिळते. त्यामुळे यावर्षी मानाच्या गणपतींसोबत या खास देखाव्यांना, जिवंत देखाव्यांना भेट द्यायला अजिबात विसरू नका.

Latest Comment
View All Comments
Post Comment

मराठीतील सर्व गणेश उत्सव २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pune kasba peth ganpati mandal make live decoration with human artist know amazing history of manache ganpati svs

First published on: 12-09-2023 at 11:33 IST

संबंधित बातम्या

तुम्ही या बातम्या वाचल्या आहेत का? ×