भारतीय आरोग्यशास्त्रात योगाचे महत्त्व अनन्यसाधारण आहे. नियमीत योगासने केल्याने अनेक आजारांवर मात करता येते. शरीर सुदृढ ठेवण्यासाठीही योगासने महत्त्वाची असतात. योगाचे हेच महत्त्व पटवून देण्यासाठी ‘डेली योगा’ हे अॅप मदत करते. या अॅपमध्ये योगाचे महत्त्व आणि त्याचे विविध प्रकार यांची विस्तृत माहिती आहे. विविध योगासने सचित्र देण्यात आली आहे. कोणती आसने किती अवधीत करायची आणि कशी करायची याबाबत माहिती आहे. अँड्रॉइड आणि अॅपलवर हे अॅप मोफत मिळू शकते.