अतिसाखर ह्रदयाला हानिकारक

तुमची साखरेची आवड ही तुमच्या ह्रदयाला हानिकारक ठरू शकते. खूप साखर खाण्याने ह्रदयविकाराचा झटका येऊ शकतो, असा दावा एका नवीन संशोधनात केला आहे. ग्लुकोज मेटॅबोलाइट ग्लुकोज ६ फॉस्फेट या एका लहान रेणूमुळे ह्रदयावर ताण येतो. या रेणूमुळे ह्रदयाच्या स्नायूतील प्रथिनांच्या रचनेत काही बदल होतात व त्याची रक्त पंप करण्याची शक्ती कमी होते.

तुमची साखरेची आवड ही तुमच्या ह्रदयाला हानिकारक ठरू शकते. खूप साखर खाण्याने ह्रदयविकाराचा झटका येऊ शकतो, असा दावा एका नवीन संशोधनात केला आहे. ग्लुकोज मेटॅबोलाइट ग्लुकोज ६ फॉस्फेट या एका लहान रेणूमुळे ह्रदयावर ताण येतो. या रेणूमुळे ह्रदयाच्या स्नायूतील प्रथिनांच्या रचनेत काही बदल होतात व त्याची रक्त पंप करण्याची शक्ती कमी होते. त्यामुळे ह्रदयविकाराचा झटका येतो असे टेक्सास विद्यापीठाच्या आरोग्य विज्ञान केंद्राच्या संशोधकांनी म्हटले आहे. जी ६ पी हा रेणू खूप स्टार्च किंवा साखर सेवनाने साठत जातो. अनेकदा डॉक्टर यामुळे होणाऱ्या दुष्परिणामांवर द्रव नियंत्रित करणारी डाययुरेटिक औषधे व बिटा ब्लॉकर औषधे देत असतात. काहीवेळा एसीइ इनहीबिटर्सचाही वापर ह्रदयावरील ताण कमी करण्यासाठी केला जातो असे हेनरिच टँगमेयर यांनी सांगितले. उच्च रक्तदाबामुळे ह्रदयाच्या स्नायूंवर अगोदरच ताण असतो व नंतर जादा ग्लुकोजमुळे त्यात भरच पडते. आताच्या संशोधनामुळे नवीन औषधे ह्रदयविकाराला आटोक्यात ठेवण्यासाठी तयार करता येणार आहेत. रॅम्पामायसिन (इम्युनोसप्रेसंट) व मेटफॉरमिन (मधुमेहावरील औषध) यामुळे जी ६ पी चे संदेश विस्कळित केले जातात व त्यामुळे त्याचा दुष्परिणाम होत नाही व ह्रदयाची शक्तीही वाढते, असे त्यांचे म्हणणे आहे. अमेरिकन हार्ट असोसिएशनच्या नियतकालिकात हे संशोधन प्रसिद्ध झाले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Ultra sugar is harmful for heart

ताज्या बातम्या