विराट कोहलीच्या शानदार नाबाद अर्धशतकाच्या जोरावर रॉयल चॅलेंजर्स बंगळुरूने बलाढय़ चेन्नई सुपर किंग्सवर २४ धावांनी विजय मिळवला. धुवांधार पावसामुळे हा सामना प्रत्येकी ८ षटकांचा खेळविण्यात आला. बंगळुरूने ८ षटकांत तब्बल १०६ धावा फटकावल्या. कोहलीने २९ चेंडूंत ६ चौकार आणि ४ षटकारांसह नाबाद ५६ धावा केल्या. ख्रिस गेलने १३ चेंडूंत ४ षटकारांच्या साह्य़ाने २८ धावांची खेळी केली. प्रत्युत्तरादाखल खेळताना चेन्नईला ८२ धावांचीच मजल मारता आली. त्यांनी ठरावीक अंतराने विकेट्स गमावल्या. मुरली विजयने सर्वाधिक ३२ धावा केल्या. झहीर खान अवघ्या १७ धावांत ४ बळी टिपले. ‘सिर्फ देखनेका नही’.. आयपीएलचा धमाका सुरू होण्याआधीच जाहिरातींमुळे घराघरांत पोहोचलेले हे शब्द जसेच्या तसे उचलून, सामन्यांची अचूक भाकिते वर्तविणाऱ्या ऑनलाईन सट्टेबाजीला आयपीएलच्या सामन्यांसोबत बहर येत गेल्याचे माहिती महाजालावरील असंख्य ‘बेटिंग टिप्स’ साईटसवरून दिसते.
