03 April 2020

News Flash

धोनीने चपळाईने केलेल्या ‘त्या’ दोन रनआऊटमुळे सामन्याचा नूरच पालटला

आयपीएलमध्ये बुधवारी झालेल्या रंगतदार सामन्यात चेन्नई सुपर किंग्जने रॉयल चॅलेंजर्स बंगळुरुचा पराभव केला. चेन्नईच्या या विजयात महत्वाची भूमिका बजावली ती कर्णधार महेंद्रसिंह धोनीने.

आयपीएलमध्ये बुधवारी झालेल्या रंगतदार सामन्यात चेन्नई सुपर किंग्जने रॉयल चॅलेंजर्स बंगळुरुचा पराभव केला. चेन्नईच्या या विजयात महत्वाची भूमिका बजावली ती कर्णधार महेंद्रसिंह धोनीने. आपण अजूनही उत्तम मॅच फिनिशर असल्याचे धोनीने या सामन्यातून दाखवून दिले. फक्त फलंदाजीतच नव्हे यष्टीपाठीही चमकदार कामगिरी करुन धोनीने सामन्याचा नूरच पालटून टाकला.

एका टोकाकडून एबी डिव्हीलीयर्सची दमदार फलंदाजी सुरु असताना आरसीबीची मोठया धावसंख्येच्या दिशेने वाटचाल सुरु होती. पण डावाच्या शेवटच्या षटकात लागोपाठ विकेट गमावल्यामुळे आरसीबीला २०५ धावांच करता आल्या. शेवटच्या क्षणाला धोनीने चपळता दाखवत दोन रनआऊट केले. त्यामुळे आरसीबीच्या धावगतीला काहीसा ब्रेक लागला. ज्याचा परिणाम सामन्यावर झाला.

शेवटचे षटक टाकणाऱ्या ड्वेन ब्रावोचा पहिला चेंडू यष्टीपाठी धोनीकडे गेला. पण चेंडू निर्धाव जाऊ नये म्हणून फलंदाज धाव घेण्यासाठी पळाला. त्यावेळी धोनीने चपळता दाखवत कोलिन डी ग्रांडहोमला धावबाद केले. कोलिन बाद झाल्यामुळे अंतिम षटकात वेगाने धावा जमवण्याच्या आरसीबीच्या अपेक्षांना सुरुंग लागला. त्यानंतर ब्रावोच्या दुसऱ्या चेंडूवर वॉशिंग्टन सुंदर मोठा फटका खेळला. एक धाव पूर्ण केल्यानंतर दुसऱ्या रनसाठी पळत असताना सीमारेषेवरुन जाडेजाने केलेल्या थ्रो वर धोनीने नेगीला धावबाद केले. लागोपाठ दोन विकेट गेल्यामुळे आरसीबीच्या धावगतीला ब्रेक लागला.

त्यानंतर महेंद्रसिंग धोनीने ३४ चेंडूत ७ षटकारांची आतषबाजी करत फटकावलेल्या नाबाद ७० धावा आणि ५३ चेंडूत ८२ धावांची दमदार खेळी करणारा अंबाती रायडू यांच्या फटकेबाजीच्या जोरावर चेन्नई सुपर किंग्सने रॉयल चॅलेंजर्स बंगळुरूचा पराभव केला. सलामीवीर क्विंटन डी कॉक आणि एबी डिव्हीलियर्स यांनी केलेल्या फटकेबाजीच्या जोरावर रॉयल चॅलेंजर्स बंगळुरु संघाने आपल्या घरच्या मैदानावर धावांचा डोंगर उभा केला होता. मात्र, २०६ धावांचं लक्ष्य घेऊन मैदानात उतरलेल्या चेन्नईच्या संघाने धोनी आणि रायडूच्या खेळीमुळे २ चेंडू आणि ५ गडी राखून विजय मिळवला. दोघांनी पाचव्या विकेटसाठी 101 धावांची भागीदारी रचत संघाच्या विजयात मोलाची भूमिका वठवली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 26, 2018 10:57 am

Web Title: cheenai super kings vs royal challengers banglore ipl
टॅग Ipl,Ms Dhoni
Next Stories
1 Video : डिव्हिलियर्सने मारला IPL 2018 चा सर्वात उत्तुंग षटकार, बॉल स्टेडियमच्या बाहेर
2 ‘धोनी केवळ मॅच संपवत नाही, तो टीकाकारांनाही संपवतो’ ; चाहत्यांमध्ये नवा उत्साह
3 मैदानात धोनी-कोहलीचा जलवा तर साक्षी-अनुष्काच्या हृदयात धडधड !
Just Now!
X