21 August 2018

News Flash

एक खेळाडू, तीन संघ आणि आयपीएलचं विजेतेपद, फिरकीपटू कर्ण शर्माचं हे अनोखं आयपीएल कनेक्शन माहिती आहे का?

अंतिम सामन्यात कर्ण शर्माने घेतला विल्यमसनचा बळी

कर्ण शर्मा आणि आयपीएलमधला अनोखा योगायोग

मुंबईच्या वानखेडे मैदानावर झालेल्या अंतिम सामन्यात चेन्नई सुपरकिंग्जने सनराईजर्स हैदराबादचा ८ गडी राखून पराभव केला. या विजयासह चेन्नई सुपरकिंग्जने आयपीएलमधलं आपलं तिसरं विजेतेपद पटकावलं आहे. या विजयानंतर सोशल मीडियावरही चेन्नईच्या समर्थकांनी आनंद साजरा केला. दरम्यान कालच्या सामन्यात चेन्नईचा फिरकीपटू कर्ण शर्माच्या, ऐका आगळ्यावेगळ्या आयपीएल कनेक्शनबद्दलची चर्चा चांगलीच रंगताना दिसली.

कर्ण शर्माने कालच्या सामन्यात आपल्या आयपीएल विजेतेपदाची हॅटट्रिक साजरी केली आहे. २०१६ साली हैदराबाद, २०१७ साली मुंबई आणि २०१८ साली चेन्नई या आयपीएल विजेत्या संघात कर्ण शर्माने महत्वाची भूमिका बजावली होती. त्यामुळे आयपीएलची ट्रॉफी जिंकायची असल्यासं कर्ण शर्माला आपल्या संघात घ्या अशा प्रकारचे विनोद सोशल मीडियावर रंगताना दिसली.

कर्णधार महेंद्रसिंह धोनीने अंतिम सामन्यात हरभजन सिंहसारख्या महत्वाच्या गोलंदाजाला बसवून कर्ण शर्माला संघात जागा दिली. कर्ण शर्मानेही आपल्या कर्णधाराचा विश्वास सार्थ ठरवत कर्णधार केन विल्यमसनचा महत्वाचा बळी घेतला. दोन वर्षांनी पुनरागमन करुन आयपीएलचं विजेतेपद जिंकल्यामुळे सध्या चेन्नईच्या संघाचे चाहते भलतेच खुश आहेत. त्यामुळे अकराव्या हंगामात आता कर्ण शर्मा चेन्नईच्या संघाता हिस्सा राहतो का हे पाहणं महत्वाचं ठरणार आहे.

First Published on May 28, 2018 10:11 am

Web Title: csk karna sharma made hat trick of ipl winning team know interesting coincidence about his performance here