23 October 2019

News Flash

IPL 2018 – वादळी खेळी करणाऱ्या सॅम बिलींग्जने मानले धोनीचे आभार

सॅम बिल्गींजच्या वादळी खेळीमुळे चेन्नईची दुसऱ्या सामन्यात कोलकात्यावर मात

कोलकात्याविरद्ध सामन्यात फटका खेळताना सॅम बिलिंग्ज

२३ चेंडूत ५६ धावांची वादळी खेळी करणाऱ्या चेन्नई सुपर किंग्जच्या सॅम बिलींग्जमुळे, कोलकात्याने दिलेलं २०३ धावांचं आव्हान पार करत चेन्नईने स्पर्धेतला सलग दुसरा विजय नोंदवला. बिलींग्जने कर्णधार महेंद्रसिंह धोनीसोबत ५४ धावांची भागीदारी रचत आपल्या संघाच्या विजयासाठी पायाभरणी केली. सामना संपल्यानंतर पारितोषीक वितरण सोहळ्यात सॅम बिलींग्जने कर्णधार महेंद्रसिंह धोनीचे आभार मानले.

“मैदानात खेळत असताना धोनीने मला कोणत्याही प्रकारे सूचना केल्या नाहीत. आमच्यासाठी धावा काढून बॉल वाया जाऊ न देणं हे सगळ्यात महत्वाचं होतं. धोनी मैदानात खरचं खूप शांत असतो. त्यामुळे त्याच्यासोबत फलंदाजी करत असताना तुमच्याकडूनही आपसून त्याच्या तोडीचा खेळ होतो.” सॅम बिलींग्जने धोनीच्या खेळाचं कौतुक केलं.

याचसोबत भारताचा माजी फलंदाज आणि आयपीएलमध्ये किंग्ज इलेव्हन पंजाब संघाचा मार्गदर्शक विरेंद्र सेहवागनेही बिलींग्जच्या खेळाचं कौतुक केलं. घरच्या मैदानावर खेळताना आपली खेळी विजयासाठी कारणीभूत ठरत असेल तर यासारखी अभिमानाची गोष्ट कोणत्याही खेळाडूसाठी नाही. सध्या दोन विजयांसह चेन्नईचा संघ गुणतालिकेत पहिल्या स्थानावर आहे.

First Published on April 11, 2018 3:37 pm

Web Title: ipl 2018 theres not a better person to have at the crease than ms dhoni says sam billings
टॅग Csk,IPL 2018,Kkr,Ms Dhoni