29 May 2020

News Flash

IPL 2018 – ‘आयपीएल’मध्ये पहिल्यांदाच रोहितला ‘हे’ जमलं नाही!

यंदाच्या 'आयपीएल'मध्ये एक अशी गोष्ट घडली, जी गेल्या ९ हंगामात रोहितला शक्य झाली होती. मात्र, या हंगामात त्याला ती जमली नाही.

मुंबई इंडियन्सचा संघ दिल्लीशी पराभूत झाला आणि प्लेऑफ च्या स्पर्धेतून बाहेर फेकला गेला. ३ वेळा आयपीएलच्या चषकावर नाव कोरणाऱ्या गतविजेत्या मुंबईवर यंदाच्या हंगामात साखळी फेरीतच बाद होण्याची नामुष्कीओढवली. मुंबईच्या पराभवाची अनेकांनी अनेक कारणे सांगितली. त्या कारणांपैकी एक महत्वाचे कारण म्हणजे कर्णधार रोहित शर्माचा फॉर्म.

रोहित शर्माने पहिल्या हंगामापासून आयपीएलमध्ये आपला ठसा उमटवला. मुंबईचे कर्णधारपद भूषवताना त्याने अनेक निर्णय घेतले. पण त्याची फलंदाजी मात्र म्हणावी तशी बहरली नाही. आणि त्यामुळेच यंदाच्या आयपीएलमध्ये एक अशी गोष्ट घडली, जी गेल्या ९ हंगामात रोहितला शक्य झाली होती. मात्र, या हंगामात त्याला ती जमली नाही.

रोहित शर्माने यंदाच्या हंगामात एकूण १४ सामने खेळत २८६ धावा केल्या. पण हे त्याचे प्रयत्न मुंबईला प्ले ऑफमध्ये स्थान मिळवून देण्यासाठी फारच तोकडे पडले. इतकेच नव्हे तर आयपीएलच्या इतिहासात प्रथमच त्याने एका हंगामात ३००पेक्षा कमी धावा केल्या. रोहितचा आयपीएलमधील इतिहास पाहता त्याने हा हंगाम वगळता प्रत्येक हंगामात ३००हून अधिक धावा केल्या आहेत. मात्र या हंगामात त्याला ३००हून धावा करणं जमलं नाही.

रोहितच्या फॉर्मचा फटका साहजिकच संघालाही बसला. संपूर्ण हंगामात कर्णधारपदाला साजेशी फलंदाजी त्याला फारशी करता आली नाही. आव्हानाचा पाठलाग करताना तर त्याने अतिशय खराब फलंदाजी केली. याचाच फटका संघाला बसला आणि गतविजेता संघ स्पर्धेबाहेर फेकला गेला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 22, 2018 3:02 pm

Web Title: rohit sharma scored less than 300 runs in ipl season for the first time
टॅग Ipl,Rohit Sharma
Next Stories
1 IPL 2018 – … म्हणून मुंबई ‘आऊट’ झाल्याने प्रीती झिंटाला झाला आनंद
2 IPL 2018 हैदराबाद-चेन्नई सामना रद्द झाल्यास ‘या’ संघाला मिळणार थेट फायनलचे तिकीट
3 लिलावाच्यावेळी अंबानींना ‘हा’ चुकीचा सल्ला मिळाला अन्यथा आज मुंबई….
Just Now!
X