03 April 2020

News Flash

मुंबईकर शार्दुल ठाकूर ठरला चेन्नईच्या विजयाचा हीरो

ट्वेंटी-ट्वेंटी क्रिकेटमध्ये १४० अत्यंत माफक लक्ष्य आहे. पण इतक्या कमी धावसंख्येचा पाठलाग करतानाही चेन्नई सुपर किंग्जला अखेरच्या षटकापर्यंत संघर्ष करावा लागला.

ट्वेंटी-ट्वेंटी क्रिकेटमध्ये १४० अत्यंत माफक लक्ष्य आहे. पण इतक्या कमी धावसंख्येचा पाठलाग करतानाही चेन्नई सुपर किंग्जला अखेरच्या षटकापर्यंत संघर्ष करावा लागला. चेन्नईच्या विजयात फाफ डुप्लेसिसबरोबर महत्वाची भूमिका बजावली ती मुंबईकर शार्दुल ठाकूरने. मोक्याच्या क्षणी शार्दुलने खेळ उंचावत पाच चेंडूत नाबाद १५ धावा केल्या. यात तीन चौकार होते. सिद्धार्थ कौलच्या १९ व्या षटकात शार्दुलने तीन चौकार लगावून सामन्याचा नूरच पालटून टाकला.

शार्दुलच्या या खेळीमुळे शेवटच्या षटकात विजयासाठी सहा धावांची गरज होती. त्यावेळी स्ट्राईकला असलेल्या डुप्लेसिसने भुवनेश्वर कुमारच्या पहिल्याच चेंडूवर षटकार ठोकून चेन्नईला आयपीएलच्या अकराव्या सीझनच्या अंतिम फेरीत पोहोचवले. शार्दुल ठाकूर या सामन्यात सुदैवी ठरला. कारण काही कारणाने चेन्नईचा पराभव झाला असता तर त्यासाठी सर्वाधिक दोष शार्दुलचा दिला गेला असता. कारण चेन्नईच्या अन्य गोलंदाजांनी टिच्चून मारा केला. पण शार्दुलने चार षटकात एक विकेटच्या मोबदल्यात ५० धावा दिल्या.

प्लेऑफच्या या महत्वाच्या सामन्यात सनरायजर्स हैदराबादने सातच्या सरासरीने धावा केल्या तर शार्दुलच्या चार षटकात १२.५ च्या सरासरीने धावा वसूल केल्या. वानखेडे हे शार्दुलच घरच मैदान असून तो फलंदाजीला उतरल्यानंतर नशीब पालटलं. शार्दुल फलंदाजीसाठी मैदानात आला तेव्हा सीएसकेला विजयासाठी १३ चेंडूत २७ धावांची आवश्यकता होती. त्याने सिद्धार्थ कौलच्या १९ व्या षटकात पहिल्या दोन चेंडूंवर चौकार ठोकून समोरच्या टोकाला उभ्या असलेल्या डुप्लेसिसला चिंतामुक्त केले. एकूणच या सामन्यात शार्दुल खलनायक बनता बनता नायक बनला असेच वर्णन करावे लागेल.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2018 7:47 am

Web Title: shardul thakur paly important role in csk win
टॅग Csk,Ipl,Shardul Thakur
Next Stories
1 IPL 2018 कोलकात्यासमोर राजस्थानची सत्त्वपरीक्षा
2 फाफ डुप्लेसिसने माझा विश्वास सार्थ ठरवला, कर्णधार धोनीकडून डुप्लेसिसच्या खेळीचं तोंडभरुन कौतुक
3 आखाती देश – युरोपात बीसीसीआय करणार आयपीएलचा प्रसार
Just Now!
X