25 February 2021

News Flash

Video: …अन् मैदानातच झाली केदार जाधव-जाडेजामध्ये बाचाबाची

गोलंदाज सॅम करनही केदारवर नाखुश

IPL 2020 CSK vs KXIP: सलग तीन पराभवांमुळे टीकेचे लक्ष्य ठरलेल्या चेन्नईच्या संघाची गाडी अखेर रविवारी रूळावर आली. पंजाबविरूद्धच्या सामन्यात चेन्नईच्या संघाने निर्विवाद वर्चस्व राखत दणदणीत विजय मिळवला. कर्णधार लोकेश राहुलच्या अर्धशतकी खेळीच्या जोरावर पंजाबने चेन्नईला १७९ धावांचे लक्ष्य दिले होते. या आव्हानाचा पाठलाग करताना सलामीवीर शेन वॉटसन आणि फाफ डु प्लेसिस या दोघांनीच नाबाद १७९ धावा ठोकत संघाला १० गडी राखून विजय मिळवून दिला. या सामन्यात चेन्नईचा केदार जाधव आणि रविंद्र जाडेजा यांच्यात बाचाबाची झाल्याचे दिसून आले.

१६व्या षटकात सॅम करन गोलंदाजी करत होता. षटकाच्या पाचव्या चेंडूवर निकोलस पूरनने हवेत फटका मारला. तो चेंडू केदार जाधवने जागेवरच उभा राहून अडवला आणि धोनीकडे फेकला. परंतु केदारने तो चेंडू झेलण्यासाठी थोडं पुढे धावत जायला हवं होतं असं जाडेजाला वाटत होतं. तसंच फलंदाज एकच्या जागी दुहेरी धाव घेण्यात यशस्वी झाल्याने सॅम करनही नाखुश असल्याचं दिसून आलं. या प्रकारानंतर जाडेजा आणि केदार जाधव यांच्यात मैदानात काहीशी बाचाबाची झालेलीदेखील पाहायला मिळाली.

पाहा व्हिडीओ-

दरम्यान, पंजाबच्या डावात कर्णधार राहुलने एकाकी झुंज देत अर्धशतक ठोकले. त्याला मनप्रीत सिंग आणि निकोलस यांची साथ मिळाली. म्हणून पंजाबने १७८ धावांपर्यंत मजल मारली. या आव्हानाचा पाठलाग करताना वॉटसन आणि डु प्लेसिस या दोघांनी तुफान फटकेबाजी केली. वॉटसनने आपलं विसावं अर्धशतक पूर्ण केलं. तर डु प्लेसिसने १५वं अर्धशतक ठोकलं. डु प्लेसिसच्या नाबाद ८७ आणि वॉटसनच्या नाबाद ८३ धावांच्या बळावर चेन्नईने ऐतिहासिक विजय मिळवला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 5, 2020 4:51 pm

Web Title: csk rift fight marathi cricketer kedar jadhav ravindra jadeja over fielding laziness sam curran ms dhoni also unhappy ipl 2020 csk vs kxip vjb 91
टॅग IPL 2020
Next Stories
1 IPL 2020 : हैदराबादच्या अडचणींमध्ये भर, दुखापतीमुळे भुवनेश्वर कुमारची स्पर्धेतून माघार
2 IPL 2020: मुंबईकर रोहित शर्मा म्हणतो, “अशी डोकेदुखी असणं…”
3 IPL 2020 : बोटाला झालेल्या दुखापतीमुळे अमित मिश्राची स्पर्धेतून माघार
Just Now!
X