23 November 2020

News Flash

IPL 2020: मैदानात पाऊल टाकताच वॉर्नरचं अर्धशतक; जाणून घ्या कसं…

सचिन, विराट, धोनी, रोहितच्या पंगतीत मिळवलं स्थान

डेव्हिड वॉर्नर (फोटो- IPL.com)

दिल्ली आणि हैदराबाद या संघांमध्ये होणाऱ्या सामन्यासाठी न्यूझीलंडचा कर्णधार केन विल्यमसन याला अखेर संधी देण्यात आली. आधीच्या दोन IPL सामन्यात हैदराबादच्या संघाकडून विल्यमसनला संधी देण्यात आली नव्हती. त्या दोन्ही सामन्यात हैदराबादचा संघ पराभूत झाला. त्यानंतर फलंदाजी बळकट करण्यासाठी अखेर विल्यमसनला संघात स्थान देण्यात आले. विल्यमसनसोबतच जम्मू काश्मीरच्या अब्दुल समादलाही संघात स्थान मिळाले. याच सामन्यात डेव्हिड वॉर्नरने मैदानात पाऊल टाकत अनोखं अर्धशतक पूर्ण केलं.

डेव्हिड वॉर्नरने नाणेफेक गमावली, पण हा सामना मात्र वॉर्नरसाठी खास ठरला. त्याचं महत्त्वाचं कारण म्हणजे डेव्हिड वॉर्नरने मैदानात पाऊल टाकताच अनोखं अर्धशतक पूर्ण केलं. डेव्हिड वॉर्नरचा कर्णधार म्हणून हा ५०वा सामना ठरला. एका संघाचं ५० सामन्यांत नेतृत्व करणारा वॉर्नर IPLमधला नववा कर्णधार ठरला. याआधी महेंद्रसिंग धोनी, गौतम गंभीर, विराट कोहली, रोहित शर्मा, अॅडम गिलक्रिस्ट, शेन वॉर्न, विरेंद्र सेहवाग आणि सचिन तेंडुलकर यांनी ही कामगिरी केली आहे. त्यांच्या पंगतीत वॉर्नरने स्थान मिळवले.

दरम्यान, दिल्लीचा कर्णधार श्रेयस अय्यरने नाणेफेक जिंकून प्रथम गोलंदाजीची निवड केली. दिल्लीने आपल्या संघात महत्त्वाचा बदल करत अनुभवी इशांत शर्माला संघात स्थान दिले. तर आवेश खानला बाहेरचा रस्ता दाखवला. हैदराबादनेदेखील संघात दोन बदल करत विल्यमसनला मोहम्मद नबीच्या जागी संघात स्थान दिले. तर वृद्धिमान साहाच्या जागी अब्दुल समादला संघात जागा दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 29, 2020 8:47 pm

Web Title: david warner 50 matches as captain equals sachin tendulkar virat kohli ms dhoni rohit sharma record ipl 2020 dc vs srh vjb 91
टॅग IPL 2020
Next Stories
1 IPL 2020: हैदराबादच्या संघात काश्मीरचा खेळाडू; जाणून घ्या कोण आहे ‘हा’ क्रिकेटपटू…
2 IPL 2020: राशिदच्या फिरकीपुढे दिल्लीकर हतबल, हैदराबादचा पहिला विजय
3 IPL 2020: मुंबईच्या पराभवानंतर इशान किशनचा ‘तो’ फोटो व्हायरल
Just Now!
X