News Flash

SRH vs KXIP : डेव्हिड वॉर्नर चमकला, आयपीएलमध्ये अनोख्या अर्धशतकाची नोंद

वॉर्नरची बेअरस्टोसोबत शतकी भागीदारी

छायाचित्र सौजन्य - IPL/BCCI

डेव्हिड वॉर्नर आणि जॉनी बेअरस्टो या जोडीने पहिल्या विकेटसाठी केलेल्या शतकी भागीदारीच्या जोरावर हैदराबादने पंजाबविरुद्ध सामन्यात २०१ धावांपर्यंत मजल मारली आहे. वॉर्नर आणि बेअरस्टो जोडीने पंजाबच्या गोलंदाजांचा चांगलाच समाचार घेत दुबईच्या मैदानावर चौकार-षटकारांची आतिषबाजी केली. दोन्ही खेळाडूंनी या सामन्यात आपली अर्धशतकं साजरी केली. जॉनी बेअरस्टोचं शतक ३ धावांनी हुकलं तर कर्णधार वॉर्नरने ५२ धावा केल्या.

आपल्या अर्धशतकी खेळीच्या दरम्यान डेव्हिड वॉर्नरने आयपीएलच्या इतिहासात अनोख्या विक्रमाची नोंद केली आहे. आयपीएलमध्ये सर्वाधिकवेळा ५० किंवा त्यापेक्षा अधिक धावा करण्याची वॉर्नरची ही ५० वी वेळ होती. अशी कामगिरी करणारा तो एकमेव फलंदाज ठरला आहे.

रवी बिश्नोईने एकाच षटकात वॉर्नर आणि बेअरस्टोला माघारी धाडत पंजाबला एकाच षटकात दोन महत्वाचे बळी मिळवून दिले. दोन्ही फलंदाज माघारी परतल्यानंतर हैदराबादच्या डावाला गळती लागली. मधल्या फळीतले फलंदाज अपेक्षित फटकेबाजी करु शकले नाही. अखेरीस विल्यमसनने तळातल्या फलंदाजांना साथीला घेत हैदराबादला २०० धावांचा टप्पा ओलांडून दिला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2020 9:49 pm

Web Title: ipl 2020 david warner becomes 1st batsman in history to score 50 scores of 50 or more psd 91
टॅग : IPL 2020
Next Stories
1 IPL 2020 : हैदराबादला विजयी सूर गवसला, पंजाबकडून निकोलस पूरनची एकाकी झुंज
2 IPL 2020 : ….जेव्हा पंजाबचा संघ आपल्याच गोलंदाजांना ट्रोल करतो
3 IPL 2020 : जोडी तुझी-माझी! वॉर्नर-बेअरस्टो जोडीचा नवा विक्रम
Just Now!
X