स्थानिक क्रिकेटमध्ये मुंबईचं प्रतिनिधीत्व करणाऱ्या मराठमोळ्या तुषार देशपांडेला अखेरीस आपला पहिला आयपीएल सामना खेळण्याची संधी मिळणार आहे. राजस्थान रॉयल्सविरुद्धच्या सामन्यात तुषारला दिल्ली कॅपिटल्सने अंतिम ११ जणांच्या संघात स्थान दिलं आहे. हर्षल पटेलच्या जागी तुषार दिल्लीच्या संघाकडून खेळेल. तेराव्या हंगामासाठी पार पडलेल्या लिलावात दिल्ली कॅपिटल्सने तुषार देशपांडेवर २० लाखांची बोली लावली होती. राजस्थान रॉयल्स विरुद्ध सामन्यात दिल्लीचा अंतिम ११ जणांचा संघ पुढीलप्रमाणे - Match 30. Delhi Capitals XI: P Shaw, S Dhawan, A Rahane, S Iyer, M Stoinis, A Carey, A Patel, R Ashwin, K Rabada, T Deshpande, A Nortje #DCvRR #Dream11IPL #IPL2020— IndianPremierLeague (@IPL) October 14, 2020 तुषारने आतापर्यंत रणजी आणि इतर स्पर्धांमधून मुंबईचं प्रतिनिधीत्व केलं आहे. स्थानिक स्पर्धांमध्ये चांगला मारा करुन विकेट मिळवण्यात पटाईत असलेल्या तुषारला यंदा पहिल्यांदाच आयपीएल खेळण्याची संधी मिळणार आहे. प्रथमश्रेणी क्रिकेटमध्ये तुषार देशपांडेच्या नावावर आतापर्यंत २० सामन्यांत ५० बळी जमा आहेत. याव्यतिरीक्त फलंदाजीतही तुषार अखेरच्या फळीत चांगली फटकेबाजी करतो त्यामुळे आपल्याला मिळालेल्या संधीचं तुषार कसं सोनं करतो हे पाहणं महत्वाचं ठरणार आहे.