18 January 2021

News Flash

IPL 2020 : रसेलला बॉलिंग?? नको रे बाबा…मराठमोळ्या खेळाडूने घेतला धसका

IPL तेराव्या हंगामासाठी खेळाडूंचा सराव सुरु

आंद्रे रसल

आयपीएलचा तेरावा हंगाम आता अवघ्या काही दिवसांवर येऊन ठेपला आहे. १९ सप्टेंबरपासून मुंबई इंडियन्स विरुद्ध चेन्नई सुपरकिंग्ज यांच्यातील सामन्याने तेराव्या हंगामाला सुरुवात होणार आहे. सर्व संघ सध्या सराव करत आहेत. कोलकाता नाईट रायडर्ससाठी यंदा आंद्रे रसेलचं फॉर्मात असणं खूप फायदेशीर ठरणार आहे. काही दिवसांपूर्वी कॅरेबिअन प्रिमीअर लिग स्पर्धेत खेळत असताना रसेलने धडाकेबाज अर्धशतकी खेळी केली होती. रसेलच्या या खेळीचा मराठमोळा खेळाडू सिद्धेश लाडला इतका धसका घेतला आहे की त्याने रसेलला नेट्समध्येही गोलंदाजी न करण्याचं ठरवलं आहे.

मुंबईकर सिद्धेश लाड यंदाच्या हंगामात कोलकाता नाईट रायडर्स संघाकडून खेळणार आहे. रसेलला बॉलिंग करण्याऐवजी मी नेट्समध्ये बुमराहचा सामना करेन असं सिद्धेश लाडने म्हटलंय. “मला कधी ना कधी नेट्समध्ये रसेलला गोलंदाजी करावी लागेल याची मला जाणीव आहे. रसेल किती स्फोटक फलंदाज आहे याची मला कल्पना आहे. मी याआधी त्याला कधीच गोलंदाजी टाकलेली नाहीये. त्यामुळे या सर्व गोष्टींचा विचार करुन मी म्हणेन की मला नेट्समध्ये रसेलला बॉलिंग करायला लागू नये.” kkr.in शी बोलत असताना सिद्धेश लाडने आपलं मत मांडलं.

काही दिवसांपूर्वीच KKR चा टीम मेंटॉर डेव्हिड हसीने रसेलच्या खेळाचं कौतुक करताना त्याला तिसऱ्या क्रमांकावर फलंदाजीची संधी मिळाल्यास तो आयपीएलमध्ये द्विशतकही झळकावू शकतो असं म्हटलं होतं. त्यामुळे यंदाच्या हंगामात कोलकाता नाईट रायडर्स संघाची कामगिरी कशी होतेय याकडे सर्वांचं लक्ष असणार आहे.

अवश्य वाचा – …तर आंद्रे रसेल आयपीएलमध्ये द्विशतक झळकावू शकतो !

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2020 4:15 pm

Web Title: ipl 2020 i dont want to bowl to andre russell says kkr player siddhesh lad psd 91
टॅग IPL 2020
Next Stories
1 VIDEO: विराट ‘हॉट डॉग्ज’ विरूद्ध डीव्हिलियर्स ‘कूल कॅट्स’… पाहा क्रिकेटपटूंचा फुटबॉल सामना
2 “…ही तर टी २० क्रिकेटची गरज”
3 IPL 2020: राजस्थान रॉयल्सने केलं RCBला ट्रोल, कारण वाचून तुम्हालाही येईल हसू
Just Now!
X