27 February 2021

News Flash

IPL 2020 : बेंगळूरुविरुद्धच्या लढतीसाठी गेल सज्ज

पंजाबसाठी आज विजय गरजेचा

(संग्रहित छायाचित्र)

इंडियन प्रीमियर लीग क्रिकेट

किंग्ज इलेव्हन पंजाबची इंडियन प्रीमियर लीगमध्ये (आयपीएल) गुरुवारी बेंगळूरु रॉयल चॅलेंजर्सविरुद्ध लढत होत आहे. आव्हान टिकवण्यासाठी ही लढत जिंकणे पंजाबसाठी गरजेचे आहे. पंजाबसाठी जमेची बाजू म्हणजे ख्रिस गेलचे पुनरागमन या लढतीतून होत आहे.

यंदाच्या ‘आयपीएल’ हंगामात पहिलीच लढत गेल खेळणार आहे. प्रकृतीच्या कारणास्तव गेल ‘आयपीएल’ हंगामात आतापर्यंत खेळू शकला नाही. पंजाबला गेलकडून मोठय़ा अपेक्षा असणार आहेत. पंजाबचा एकमेव विजय बेंगळूरुविरुद्ध आहे ही त्यातल्या त्यात जमेची बाजू आहे. २४ सप्टेंबरला उभय संघांमध्ये लढत झाली होती. गेलसाठी महत्त्वपूर्ण बाब म्हणजे शारजाचे मैदान ठरू शकते. शारजा क्रिकेटचे मैदान हे तुलनेने लहान असल्याने गेलला चौकार आणि षटकार फटकावण्याची संधी आहे. मात्र अर्थातच ४१ वर्षीय गेलला फटकेबाजीच्या दृष्टीने लगेचच लय सापडते का, हे पाहणे उत्सुकतेचे ठरेल.

पंजाब संघाकडे यंदाच्या हंगामात सर्वाधिक धावा करणारे के. एल. राहुल (३८७) आणि मयांक अगरवालसारखे (३३७) सलामीवीर आहेत. मात्र तरीदेखील गुणतालिकेत पंजाबचा संघ सात सामन्यांतून अवघ्या दोन गुणांसह अखेरच्या स्थानावर आहे. पंजाबची गोलंदाजी ही मोहम्मद शमी आणि रवी बिश्नोईवर सर्वाधिक अवलंबून आहे. अन्य गोलंदाजांना विशेष कामगिरी दाखवता आलेली नाही.

दुसरीकडे बेंगळूरु संघाने कोलकाता नाइट रायडर्सला गेल्या लढतीत नमवत आत्मविश्वास उंचावल्याचे दाखवून दिले.

वॉशिंग्टन सुंदर आणि यजुवेंद्र चहल ही फिरकीपटूंची प्रभावी जोडी बेंगळूरुची मुख्य ताकद आहे. देवदत्त पडिक्कल, आरोन फिंच, विराट कोहली आणि एबी डीव्हिलियर्स या अव्वल फलंदाजांची बॅट तळपली तर बेंगळूरुला रोखणे अवघड आहे.

*  वेळ : सायं.७.३०वा.

* थेट प्रक्षेपण : स्टार स्पोर्ट्स १, स्टार स्पोर्ट्स १ हिंदी, स्टार स्पोर्ट्स सिलेक्ट १.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 15, 2020 12:24 am

Web Title: ipl 2020 kings xi punjab against bangalore royal challengers today abn 97
टॅग : IPL 2020
Next Stories
1 IPL 2020 : दिल्लीच्या विजयामागचं कल्याण-डोंबिवली कनेक्शन तुम्हाला माहिती आहे का??
2 Video : सीमारेषेवर रहाणेचा ‘अजिंक्य’ प्रयत्न, संघासाठी वाचवल्या महत्वाच्या धावा
3 IPL 2020 : देशपांडेंचा तुषार निघाला हुशार, पहिल्याच सामन्यात घेतला बेन स्टोक्सचा महत्वाचा बळी
Just Now!
X