22 October 2020

News Flash

Video : ‘कॅप्टन कूल’ को जब गुस्सा आता है ! कर्ण शर्मावर मैदानातच भडकला धोनी

SRH विरुद्ध १८ व्या षटकात घडला प्रकार

एरवी आयपीएलच्या प्रत्येक हंगामात अंतिम फेरीच्या शर्यतीत असलेल्या चेन्नई सुपरकिंग्जला तेराव्या हंगामात मोठ्या कालावधीनंतर एक विजय मिळाला आहे. हैदराबादविरूद्ध झालेल्या रोमांचक सामन्यात चेन्नई सुपर किंग्जने २० धावांनी विजय मिळवला. चेन्नईचा संघ यंदा गुणतालिकेत ३ विजयांसह सहाव्या स्थानावर आहे. अशा परिस्थितीत हैदराबादवर मिळवलेला विजय हा चेन्नईसाठी या हंगामात आपलं आव्हान टिकवून ठेवण्यासाठी महत्वाचा ठरला आहे. हैदराबादला या सामन्यात विजयासाठी १६७ धावा हव्या होत्या. परंतू केन विल्यमसनचा अपवाद वगळता एकही फलंदाज चांगली कामगिरी करु शकला नाही.

विल्यमसन मैदानावर असेपर्यंत हैदराबादच्या आशा पल्लवित होत्या. कर्ण शर्माला धोनीने सामन्यातलं १८ वं षटक टाकण्याची संधी दिली. मात्र शर्माने पहिलाच चेंडू आखूड टप्प्याचा टाकत विल्यमसनला चौकार मारण्याची सोपी संधी दिली. यानंतर विल्यमसनला बाद करत शर्माने चांगलं पुनरागमन केलं. मात्र यानंतर हैदराबादच्या तळातल्या फलंदाजांनीही शर्माच्या उर्वरित ४ चेंडूंमध्ये दोन चौकार आणि एक षटकार लगावला. यामुळे नाराज झालेल्या धोनीने मैदानातच कर्ण शर्माला कानपिचक्या दिल्या.

सुदैवाने हैदराबादच्या तळातल्या फलंदाजांना मोठे फटके खेळण्याची संधी न देत चेन्नई सुपरकिंग्जने आपल्या तिसऱ्या विजयाची नोंद केली. हैदराबादच्या संघाला २० षटकांत ८ बाद १४७ धावांपर्यंतच मजल मारता आली. मात्र बऱ्याच कालावधीनंतर चाहत्यांना मैदानात धोनीचं वेगळंच रुप अनुभवायला मिळालं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2020 1:49 pm

Web Title: ipl 2020 ms dhoni loses his cool after karn sharma bowls expensive over against sunrisers hyderabad psd 91
Next Stories
1 IPL 2020 : ठरलं ! अखेर ख्रिस गेल बंगळुरूविरुद्धच्या सामन्यात खेळणार
2 VIDEO: “धोनीच्या दबावामुळे पंचांनी रोखला वाइडचा निर्णय”; नेटिझन्सचा संताप
3 IPL 2020 : परतफेडीसाठी राजस्थान सज्ज
Just Now!
X