23 November 2020

News Flash

एका गरोदर महिलेसाठी…; RCB च्या थरारक विजयावर अनुष्कानं केलं कौतुक

IPL 2020 : रंगतदार सामन्यात RCB ची बाजी, सुपरओव्हरमध्ये मुंबईवर केली मात

मुंबई आणि बंगळुरु यांच्यात दुबईच्या मैदानावर रंगलेल्या सामन्यात सुपरओव्हरमध्ये अखेरीस बंगळुरुने बाजी मारली. मुंबईने विजयासाठी दिलेलं ८ धावांचं आव्हान आरसीबीने सहज पूर्ण केलं. अखेरच्या षटकापर्यंत रंगलेल्या सामन्यात आरसीबीने अगदी शेवटच्या चेंडूवर विजय मिळवला. या विजयाबरोबरच विराट कोहलीच्या बंगळुरु संघाने गुणतालिकेमध्ये सातव्या क्रमांकावरुन थेट तिसऱ्या क्रमांकावर झेप घेतली. दरम्यान रॉयल चॅलेंजर्स बंगळुरुने मिळवलेल्या या विजयावर विराट कोहलीची पत्नी अभिनेत्री अनुष्का शर्मा हिने आनंद व्यक्त केला आहे. “एका गरोदर बाईसाठी हा खुपच रोमांचित करणारा सामना होता.” अशा आशयाची इन्स्टाग्राम पोस्ट लिहून तिने RCB मधील खेळाडूंचं कौतुक केलं आहे. तिची ही खास पोस्ट सध्या सोशल मीडियावर सर्वांचेच लक्ष वेधून घेत आहे.

अवश्य पाहा – VIDEO: संतापलेल्या अभिनेत्याचं शक्ती प्रदर्शन; हातांनीच केले लोखंडी गेटचे दोन तुकडे

अवश्य पाहा – महिला कलाकारांचीच चौकशी का केली जातेय?; अभिनेत्रीचा NCBला सवाल

मधल्या फळीत इशान किशन आणि कायरन पोलार्ड यांनी केलेल्या फटकेबाजीच्या जोरावर मुंबई इंडियन्सने RCB विरुद्धचा सामना बरोबरीत सोडवण्यात यश मिळवलं. विजयासाठी एका चेंडूत ५ धावांची गरज असताना कायरन पोलार्डने चौकार लगावत सामना बरोबरीत सोडवला. त्याआधी २०२ धावांच्या आव्हानाचा पाठलाग करताना मुंबईची सुरुवात खराब झाली होती. कर्णधार रोहित शर्मा, सूर्यकुमार यादव, क्विंटन डी-कॉक, हार्दिक पांड्या हे सर्व फलंदाज स्वस्तात मागारी परतले होते. परंतू इशान किशन आणि कायरन पोलार्ड यांनी संयमी खेळ करत शतकी भागीदारी केली आणि सामना रंगतदार अवस्थेत आणला. इशान किशनने ५८ चेंडूत २ चौकार आणि ९ षटकारांसह ९९ धावा केल्या. अवघ्या एका धावाने त्याचं शतक हुकलं. पोलार्डने ६० धावा करत त्याला चांगली साथ दिली. आयपीएलच्या तेराव्या हंगामातली ही दुसरी सुपरओव्हर ठरली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 29, 2020 1:40 pm

Web Title: ipl 2020 mumbai indians vs royal challengers bangalore anushka sharma mppg 94
Next Stories
1 IPL 2020 : मुंबईवरील विजयानंतर आनंद व्यक्त करणारी RCB च्या जर्सीतील ती तरुणी नक्की आहे तरी कोण?
2 “४० षटकांमध्ये ४०० धावा झालेल्या सामन्यात त्याने…”; हर्ष भोगलेंकडून ‘त्या’ गोलंदाजाचं कौतुक
3 IPL 2020 Points Table: बंगळूरुची ‘विराट’ कामगिरी; थेट टॉप तीनमध्ये घेतली एन्ट्री तर मुंबईचा संघ…
Just Now!
X