किंग्ज इलेव्हन पंजाबविरुद्ध रॉयल चॅलेंजर्स बेंगळूरुने केलेल्या अक्षम्य चुका पराभवास कारणीभूत ठरल्या. त्यामुळे आता शनिवारी रंगणाऱ्या राजस्थान रॉयल्सविरुद्धच्या सामन्यात रणनीती सुधारण्यावर बेंगळूरुचा भर राहील. विराट कोहलीच्या नेतृत्वाखालील बेंगळूरुने आठपैकी पाच सामने जिंकले आहेत. या पाच विजयांत बेंगळूरुने मुंबई इंडियन्सवर ‘सुपर-ओव्हर’मध्ये मात केली होती. दुसरीकडे राजस्थान रॉयल्सची सलामीची जोडी अपयशी ठरल्याने त्यांची सातव्या क्रमांकावर घसरण झाली आहे. * सामन्याची वेळ : दुपारी ३.३० वा.
