25 February 2021

News Flash

RCB vs DC : कर्णधार विराटची एकाकी झुंज, टी-२० क्रिकेटमध्ये केला मोठ्या विक्रमाची नोंद

दिल्लीच्या माऱ्यासमोर RCB च्या इतर फलंदाजांची शरणागती

फोटो सौजन्य - IPL/BCCI

आयपीएलच्या सुरुवातीच्या सामन्यांमध्ये सूर हरवलेल्या विराट कोहलीला अखेरीस सूर गवसला. दिल्ली कॅपिटल्सविरुद्ध सामन्यात १९७ धावांचा पाठलाग करताना दुबईच्या मैदानावर RCB च्या संघाची खराब सुरुवात झाली. फॉर्मात असलेला पडीकल, फिंच, डिव्हीलियर्स हे सर्व फलंदाज लवकर माघारी परतले. परंतू विराट कोहलीने एक बाजू लावून धरत दिल्लीच्या गोलंदाजांचा चांगला सामना केला. मैदानावर स्थिरावत कोहलीने ३९ चेंडूत २ चौकार आणि एका षटकारासह ४३ धावांची खेळी केली. या खेळीदरम्यान विराटने टी-२० क्रिकेटमध्ये एका मोठ्या विक्रमाची नोंद केली आहे.

टी-२० क्रिकेटमध्ये ९ हजार धावांचा टप्पा ओलांडलणारा विराट पहिला भारतीय खेळाडू ठरला आहे. २७० डावांमध्ये विराटने ही कामगिरी करुन दाखवली आहे.

जाणून घ्या विराटच्या विक्रमी खेळीबद्दल आणखी काही महत्वाची आकडेवारी…

उर्वरित फलंदाज एकामागोमाग एक बाद होत असताना विराटने एक बाजू लावून धरत दिल्लीच्या गोलंदाजांचा सामना करण्याचा प्रयत्न केला. परंतू दुसऱ्या बाजूने त्याला कोणाचीही साथ मिळाली नाही. अखेरीस कगिसो रबाडाच्या गोलंदाजीवर विराटही यष्टीरक्षक पंतकडे झेल माघारी परतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 5, 2020 10:45 pm

Web Title: ipl 2020 virat kohli becomes 1st indian batsman to cross 9k runs in t20 cricket psd 91
टॅग IPL 2020
Next Stories
1 IPL 2020 Video : …आणि आश्विनने मंकडींगची संधी सोडली
2 IPL 2020 : RCB चे पहिले पाढे पंचावन्न, दिल्लीच्या वेगवान माऱ्यासमोर शरणागती
3 IPL 2020 : वॉशिंग्टनची ‘सुंदर’ गोलंदाजी, सचिननेही केलं कौतुक
Just Now!
X