27 November 2020

News Flash

मयंकच अग्रवालचं धडाकेबाज शतक; ९ वर्षांपूर्वीच्या विक्रमाशी बरोबरी

२०११ च्या IPLमध्ये सचिनने ठोकलं होतं शतक

मयंक अग्रवाल (फोटो सौजन्य - IPL)

पंजाबविरूद्धच्या सामन्यात राजस्थानचा कर्णधार स्टीव्ह स्मिथ याने नाणेफेक जिंकून प्रथम गोलंदाजीचा निर्णय घेतला. राजस्थानच्या संघात जोस बटलरचे पुनरागमन झाले. डेव्हिड मिलरच्या जागी त्याला स्थान देण्यात आले. तर सलामीवीर यशस्वी जैस्वालच्या जागी अंकित राजपूतला संघात स्थान देण्यात आले. पण राजस्थानचा पहिले गोलंदाजी करण्याचा निर्णय पूर्णपणे फसला. बंगळुरूविरूद्धच्या सामन्यात तडाखेबाज शतक करणारा लोकेश राहुल राजस्थानविरूद्धच्या सामन्यातदेखील त्याच लयीत दिसला. दुसरीकडे मयंक अग्रवालने तुफान फटकेबाजी करत दमदार शतक ठोकले.

मयंक अग्रवालच्या शतकामुळे यंदाच्या IPLमध्ये एका विक्रमाची पुनरावृत्ती झाली. बंगळुरूविरूद्ध राहुलने ठोकलेले शतक यंदाच्या हंगामातील पहिले शतक होते. त्यानंतर मयंकने हंगामातील दुसरे शतक ठोकले. या दमदार खेळीच्या जोरावर IPL हंगामात पहिली दोन शतकं भारतीय खेळाडूंच्या बॅटमधून निघण्याची ही दुसरी वेळ ठरली. याआधी २०११च्या हंगामात पंजाबकडून खेळताना पॉल वल्थाटीने पहिले शतक तर मुंबई इंडियन्सच्या सचिन तेंडुलकरने हंगामातील दुसरं शतक ठोकलं होतं.

सामन्यात मयंक अग्रवालने ५० चेंडूत १०६ धावांची खेळी केली. त्यात १० चौकार आणि ७ षटकारांचा समावेश होता. त्याआधी बंगळुरूविरूद्ध राहुलने शतक ठोकलं. त्याने ६९ चेंडूत नाबाद १३२ धावा कुटल्या. त्याच्या खेळीत १४ चौकार आणि ७ षटकारांचा समावेश होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 27, 2020 9:10 pm

Web Title: mayank agarwal classic century ipl 2020 rr vs kxip second ipl season when the first two centuries came from indian batsmen kl rahul sachin tendulkar vjb 91
टॅग IPL 2020
Next Stories
1 VIDEO: याला म्हणतात ‘फिल्डिंग’! चेंडू हवेत असताना सीमारेषेवर मारली उडी अन्…
2 IPL 2020 : शारजात मयांककडून षटकारांचा पाऊस, झळकावलं पहिलं शतक
3 VIDEO: 4 4 4… राहुलचा जोफ्रा आर्चरला दणका
Just Now!
X