20 September 2020

News Flash

IPL 2020 : CSK समोरची चिंता कायम, ऋतुराज गायकवाड अजुनही करोनाग्रस्त

सलामीच्या सामन्यात चेन्नईसमोर मुंबईचं आव्हान

आयपीएलचा तेरावा हंगाम अवघ्या काही दिवसांवर येऊन ठेपला आहे. १९ सप्टेंबरला मुंबई इंडियन्स आणि चेन्नई सुपरकिंग्ज यांच्यात सलामीचा सामना रंगेल. या सामन्यासाठी दोन्ही संघ कसून सराव करत असले तरीही CSK समोरच्या अडचणी अजून काही केल्या कमी होण्याचं नाव घेत नाहीयेत. CSK संघातील करोनाची लागण झालेल्या ऋतुराज गायकवाडचा अहवाल अजुन निगेटीव्ह आलेला नसल्यामुळे तो अद्याप क्वारंटाइन झालेला आहे. ऋतुराज गायकवाडसोबतच दीपक चहर व सपोर्ट स्टाफमधील १२ जणांनाही करोनाची लागण झाली होती. परंतू या सर्वांनी करोनावर यशस्वीरित्या मात करत पुन्हा एकदा संघासोबत Bio Secure Bubble मध्ये प्रवेश मिळवला आहे.

परंतू गेल्या दोन आठवड्यांपासून क्वारंटाइन होऊनही ऋतुराजचा करोना अहवाल निगेटीव्ही येत नसल्यामुळे CSK संघासमोरच्या अडचणी वाढल्या आहेत. दरम्यान ऋतुराजमध्ये करोनाची कोणतीही लक्षणं आढळून आलेली नाहीयेत हे CSK संघ व्यवस्थापनाने याआधीच स्पष्ट केलं होतं. डॉक्टरांचं पथक त्याच्या तब्येतीवर लक्ष ठेवून आहे, त्यामुळे पुढील काही दिवसांत त्याचा अहवाल निगेटीव्ह येण्याची आशा CSK प्रशासनाला आहे. सुरेश रैनाच्या अनुपस्थितीत ऋतुराज गायकवाडला CSK संघात तिसऱ्या स्थानी संधी मिळण्याची शक्यता वर्तवली जात होती. परंतू अद्याप करोना अहवाल निगेटीव्ह आलेला नसल्यामुळे ऋतुराज सुरुवातीच्या काही सामन्यांना मुकण्याची शक्यता आहे.

अवश्य वाचा – IPL 2020 : BCCI अध्यक्ष सौरव गांगुलीने घेतला शारजामधील तयारीचा आढावा

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 15, 2020 2:51 pm

Web Title: tension still prevails for csk ahead of opening match vs mi as covid 19 report of ruturaj gaikwad came positive psd 91
टॅग Coronavirus,IPL 2020
Next Stories
1 IPL 2020 : BCCI अध्यक्ष सौरव गांगुलीने घेतला शारजामधील तयारीचा आढावा
2 IPL 2020: जॉन्टी ऱ्होड्सच्या भन्नाट कॅचवर नेटिझन्स फिदा
3 IPL 2020: दिनेश कार्तिक-आंद्रे रसल यांच्यात वादाची ठिणगी?
Just Now!
X