News Flash

कोहलीचा विराट पराक्रम, असा करणारा IPLमधील चौथा कर्णधार

आरसीबीचा १० धावांनी विजय

हैदराबादचा १० धावांनी पराभव करत विराट कोहलीच्या नेतृत्वातील आरसीबी संघाने आयपीएलच्या १३ व्या हंगामाची सुरुवात दणक्यात केली आहे. विराट कोहलीच्या नेतृत्वात आरसीबीचा हा ५० वा विजय आहे. या विक्रमासह ५० पेक्षा जास्त विजय मिळवून देणारा विराट कोहली आयपीएलमधील चौथा कर्णधार ठरला आहे.

याआधी चेन्नई सुपरकिंग्स संघाचा कर्णधार एम.एस. धोनी (१०५ सामन्यात विजय), कोलकाता संघाचा कर्णधार गौतम गंभीर (७१ सामन्यात विजय) मुंबई संघाचा कर्णधार रोहित शर्मा (६० सामन्यात विजय) यांच्या नावार हा विक्रम आहे. ५० पेक्षा जास्त सामन्यात संघाला विजय मिळवून देणारे सर्व कर्णधार भारतीय आहेत. यामध्ये विराट कोहलीची भर पडली आहे.

आयपीएलच्या पहिल्या हंगामापासून विराट कोहली आरसीबीच्या संघात आहेत. २०११ मध्ये आरसीबीच्या संघाचं नेतृत्व विराट कोहलीकडे सोपवली आहे. त्यानंतर विराट कोहलीने १११ सामन्यात नेतृत्व केलं आहे. त्यापैकी ५० सामन्यात विजय मिळवला आहे. तर ५५ सामन्यात पराभवाचा सामना करावा लागला आहे. विराट कोहलीच्या नेतृत्वात आरसीबीचा संघ २०१६ मध्ये अंतिम सामन्यात पोहचला होता. विराटने या सत्रात चार शतकासह ९७३ धावा केल्या होत्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2020 11:37 pm

Web Title: virat kohli complete 50th win as a rcb captain nck 90
टॅग : IPL 2020
Next Stories
1 Video : हलकासा टच आणि बॉल थेट सीमारेषेबाहेर ! बेअरस्टोचा भन्नाट षटकार पाहिलात का?
2 Video : अरेरे ! फॉर्मात आलेला वॉर्नर विचित्र पद्धतीने धावबाद
3 १२ वर्षांनी RCB संघात घडला चमत्कार, पडिक्कलची धडाकेबाज कामगिरी
Just Now!
X