27 November 2020

News Flash

IPL 2020 : संधी न मिळाल्यामुळे मी निराश झालो होतो, अजिंक्य रहाणेची कबुली

RCB विरुद्ध सामन्यात अजिंक्यचा महत्वपूर्ण खेळ

फोटो सौजन्य - IPL

आयपीएलच्या तेराव्या हंगामात आपलं स्थान निश्चीत करण्यासाठी विजय आवश्यक असलेल्या सामन्यात दिल्ली कॅपिटल्सने रॉयल चॅलेंजर्स बंगळुरुवर ६ गडी राखून मात केली. अजिंक्य रहाणे आणि शिखर धवन यांनी अर्धशतकी खेळी साकारत संघाच्या विजयात मोलाचा वाटा उचलला होता. दिल्लीने बंगळुरुवर मात केली असली तरीही १७.३ षटकांच्या आत दिल्लीने हा सामना न जिंकल्यामुळे बंगळुरुलाही प्ले-ऑफमध्ये स्थान मिळालं. सुरुवातीच्या सामन्यांमध्ये दिल्ली कॅपिटल्सने अजिंक्य रहाणेला संधी दिली नाही. मात्र यानंतरच्या सामन्यांमध्ये पृथ्वी शॉ अपयशी ठरत असल्यामुळे अजिंक्यला संधी देण्यात आली.

“सुरुवातीला मला खेळण्याची संधी मिळाली नाही तेव्हा मी निराश झालो होतो. परंतू RCB विरुद्ध सामन्यात संधी मिळाली आणि संघाच्या विजयात मी हातभार लावू शकलो याचा मला आनंद आहे. सामन्याआधी रिकी पाँटींगने मला तू तिसऱ्या क्रमांकावर फलंदाजी करणार आहेस असं सांगितलं. माझ्यासाठी ही खूप चांगली संधी होती. महत्वाची गोष्ट म्हणजे ज्यावेळी संघाला आपली गरज असते त्यावेळी आपण तसा खेळ करु शकलो तर तो आनंद अधिक द्विगुणित होतो.” सामना संपल्यानंतर आयपीएलच्या संकेतस्थळासाठी दिलेल्या विशेष मुलाखतीत अजिंक्य बोलत होता.

अवश्य वाचा – …म्हणून अजिंक्य रहाणेसारखा खेळाडू संघात हवाच ! विरेंद्र सेहवागने केलं कौतुक

पृथ्वी शॉ आणि शिखर धवन जोडीने दिल्लीकडून डावाची सुरुवात केली. परंतू पृथ्वी शॉ पुन्हा एकदा अपयशी ठरला…मोहम्मद सिराजने ९ धावांवर शॉचा त्रिफळा उडवला. यानंतर अजिंक्य रहाणे आणि शिखर धवन यांनी दुसऱ्या विकेटसाठी ८८ धावांची महत्वपूर्ण भागीदारी करत दिल्लीच्या डावाला आकार दिला. ४६ चेंडूत ५ चौकार आणि एका षटकाराच्या सहाय्याने अजिंक्य रहाणेने ६० धावांची खेळी केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 3, 2020 3:41 pm

Web Title: was disappointed when i didnt get to play says ajinkya rahane psd 91
टॅग IPL 2020
Next Stories
1 …म्हणून अजिंक्य रहाणेसारखा खेळाडू संघात हवाच ! विरेंद्र सेहवागने केलं कौतुक
2 IPL 2020 : धोनीने केलेली ‘ती’ चूक कोहलीने टाळली अन् RCB प्लेऑफमध्ये पोहचली
3 IPL 2020 : कोहलीने ज्याला २०१९ साली संघाबाहेर बसवलं त्याने यंदा RCB चं प्लेऑफचं तिकीट निश्चित केलं
Just Now!
X