News Flash

…तेव्हा तुम्ही प्रशिक्षक हवे होतात ! सूर्यकुमारला संयमाचा सल्ला देणाऱ्या रवी शास्त्रींना मनोज तिवारीचं उत्तर

सूर्यकुमारला संघात स्थान न मिळाल्यामुळे चाहते नाराज

ऑस्ट्रेलिया दौऱ्यासाठी निवडण्यात आलेल्या भारतीय संघात मुंबईच्या सूर्यकुमार यादवला स्थान न मिळाल्यामुळे गेल्या काही दिवसांपासून खूप वाद सुरु आहे. संघाची निवड झाल्यानंतर सूर्यकुमारने RCB विरुद्ध सामन्यात नाबाद अर्धशतकी खेळी करुन आपलं नाणं खणखणीत वाजवून दाखवलं. सोशल मीडियावर चाहते सूर्यकुमारला वारंवार डावललं जात असल्यामुळे विराट आणि बीसीसीआयवर नाराज आहेत. RCB विरुद्ध सामन्यातील सूर्यकुमारची खेळी पाहिल्यानंतर भारतीय संघाचे प्रशिक्षक रवी शास्त्री यांनी सूर्यकुमारचं कौतुक करत त्याला संयम ठेवण्याचा सल्ला दिला.

रवी शास्त्रींच्या या सल्ल्यावर भारतीय क्रिकेटपटू मनोज तिवारीनेही खोचक प्रतिक्रिया दिली आहे. “भारताकडून खेळताना मी ज्यावेळी शतक झळकावलं त्यावेळी तुम्ही प्रशिक्षक असायला हवे होतात. तुमच्या या शब्दांनी माझं करिअर वाचलं असतं. तुमचं हे ट्विट पाहून सूर्यकुमारला नक्कीच आनंद झाला असेल.”

सूर्यकुमारने ४३ चेंडूत १० चौकार आणि ३ षटकारांसह नाबाद ७९ धावांची खेळी केली. RCB च्या गोलंदाजांनी सूर्यकुमारला बाद करण्यासाठी अथक प्रयत्न केले परंतू त्यांचे प्रयत्न तोकडेच पडले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 29, 2020 2:31 pm

Web Title: wish you were india coach during manoj tiwary reacts to ravi shastris tweet for suryakumar psd 91
टॅग : IPL 2020
Next Stories
1 विरेंद्र सेहवागची धक्कादायक मागणी, म्हणाला बुमराहच्या खेळीची CBI चौकशी व्हायला हवी !
2 ९ वर्षांपूर्वीच रोहित शर्मानं सुर्यकुमारबद्दल केली होती भविष्यवाणी; २०११ चं ‘ते’ ट्विट चर्चेत
3 भारतीय संघात सुर्यकुमार नसल्याचं पोलार्डलाही वाटलं आश्चर्य, म्हणाला…
Just Now!
X