'युवक बिरादरी'द्वारे विविध भाषांतील गाण्यांमधून विद्यार्थ्यांमध्ये राष्ट्रीय एकात्मतेचे भान निर्माण करणाऱ्या 'एक सूर एक ताल' या कार्यक्रमाचे ७ डिसेंबरला पालघरमधील बोईसर येथे आयोजन करण्यात आले आहे. या सामुहिक गीत गायनाच्या अनोख्या कार्यक्रमात पाच हजार माध्यमिक विद्यार्थी-विद्यार्थीनी सहभागी होणार आहेत. यावेळी डॉ. सदाशिव दादा वर्तक यांच्या जन्मशताब्दी निमित्त विद्यार्थ्यांकडून सूरमय आदरांजली अर्पण करण्यात येणार आहे.