गणेश विसर्जन मिरवणुकीत डॉल्बी लावण्यावरून भाजप – शिवसेनेतील वाद आणखीच उफाळला असून आरोप-प्रत्यारोप वाढत चालले आहेत. याचा प्रत्यय देताना रविवारी शिवसेनेचे आमदार. राजेश क्षीरसागर यांनी डॉल्बी लावला जाऊ नये यासाठी पालकमंत्री चंद्रकांत पाटील हे  तरुण मंडळांना आणि तालीम मंडळांना पैसे वाटून गप्प बसविण्याचा प्रयत्न करत असल्याचा आरोप करून खळबळ उडवून दिली.

सर्वोच्च न्यायालयाच्या आदेशाला अधिन राहून डॉल्बीला परवानगी देण्यात यावी, या मागणीसाठी क्षीरसागर यांनी शहरातल्या छत्रपती शिवाजी चौकात आज उपोषण केले असता ते बोलत होते. सकाळी ११ वाजल्यापासून डॉल्बी लावण्याची परवानगी मिळावी यासाठी क्षीरसागर व कार्यकर्त्यांनी शिवाजी चौकात उपोषण केले.

There is a possibility of a code of conduct for the upcoming Lok Sabha elections
पिंपरी: आचारसंहितेच्या शक्यतेने राजकारण्यांप्रमाणेच प्रशासकांचीही धावपळ; तब्बल ‘इतक्या’ कोटींच्या कामांना मंजुरी
house burglars
घरफोडी करणाऱ्या टोळीचे जाळे उद्ध्वस्त, हसन कुट्टीसह १० गुन्हेगार ताब्यात
The High Court reprimanded the government to be sensitive to the demand for the house of the eyewitnesses of the 26 11 attacks Mumbai news
२६/११ हल्ल्यातील प्रत्यक्षदर्शीच्या घराच्या मागणीबाबत संवेदनशीलता दाखवा; उच्च न्यायालयाने सरकारला फटकारले
police commissioner nagpur
चक्क पोलीस आयुक्तांनी पकडला कुख्यात गुंड

शिवाजी चौकाच्या मध्यवर्ती ठिकाणी मांडव घालून मी लढतोय, तुम्ही सहभागी व्हा. सर्वोच्च न्यायलयाच्या अधीन राहून साउंड सिस्टीमला परवानगी द्या,  अशा आशयाचे फलक लावून शेकडो कार्यकत्रे उपोषणाला बसले होते. सर्वच कार्यकर्त्यांनी भगव्या टोप्या घातल्या होत्या. अवघा शिवाजी चौक उपोषणकर्त्यांनी व्यापल्यामुळे वाहतुकीचा बोजवारा उडाला.

उपोषणास राष्ट्रवादी काँग्रेसचे युवक अध्यक्ष, महापौरपुत्र आदिल फरास यांच्यासह रविकिरण इंगवले, जयकुमार शिंदे, उदय पवार, नंदकुमार मोरे, दिगंबर फराकटे, नियाज खान, महेश उत्तुरे यांच्यासह शिवसैनिक, शहरातील तालीम मंडळे, तरुण मंडळांचे कार्यकत्रे उपोषणामध्ये सहभागी झाले.