19 September 2020

News Flash

टँकरमधून प्रवास करणाऱ्या ५ जणांवर कोल्हापुरात गुन्हा

गुन्हा दाखल करण्यात येणार

संग्रहित छायाचित्र

टँकर-टेम्पो मधून गोव्याकडे जाणाऱ्या पाच जणांना शनिवारी कोल्हापूर पोलिसांनी ताब्यात घेतले. त्यांच्यावर गुन्हा दाखल करण्यात येणार आहे.

पेठ वडगाव पोलिसांनी कणेगाव येथे चेकपोस्टवर आलेल्या दोन वाहनांना रोखून धरले. त्यातील एका टँकरमध्ये तिघे जण होते,तर दुसऱ्या टेम्पोमध्ये दोघे जण होते. त्यांनी अत्यावश्यक सेवाकार्यात असून गोव्याकडे निघालो असल्याचे सांगितले. पोलिसांनी खोलात जाऊन चौकशी केली असता ते प्रवासी असल्याचे सिद्ध झाले. यापूर्वीही पोलिसांनी किणी, गडहिंग्लज, गोकुळ शिरगाव येथे टँकरमधून येणाऱ्या प्रवाशांना पकडले आहे. कोल्हापुरात आढळलेले करोना रुग्ण हे प्रामुख्याने मुंबई, पुणे व सिंधुदुर्ग येथून प्रवास करून आलेले होते.

अशा प्रवाशामुळे करोनाची लागण होत असल्याची भीती नागरिकांमध्ये आहे. त्यातच अशाप्रकारे प्रवास केला जात असल्याचे उघड झाल्याने कोल्हापूरकरांमधून संताप व्यक्त केला जात आहे.

२८ जणांचे अहवाल नकारात्मक

कोल्हापूर शहरामध्येही आता करोना तपासणी प्रयोगशाळा सुरू झाली आहे. येथे तपासण्यात आलेल्या २९ पैकी २८ जणांचे अहवाल नकारात्मक आले आहेत. एक अहवाल संशयास्पद आहे. तो पुन्हा तपासणार असल्याचे शनिवारी सूत्रांनी सांगितले.

चाळीस विद्यार्थी परतले

राजस्थान येथील कोटा शहरात शिकणारे चाळीस विद्यार्थी शनिवारी कोल्हापुरात परत आले. कोटा येथे वैद्यकीय व अभियांत्रिकी प्रवेश परीक्षेच्या शिक्षणासाठी राज्यातील शेकडो विद्यार्थी गेले होते. त्यांना राज्यात परत आणण्याची प्रक्रिया राज्यशासनाच्यावतीने सुरू झाली होती. त्यानुसार या विद्यार्थ्यांंना पुणे येथे आणण्यात आले. तेथून दोन एसटी बस मधून त्यांना येथील सीपीआर जिल्हा रुग्णालयात आणण्यात आले. त्यामध्ये ९ मुली व ३१ मुलांचा समावेश आहे. त्यांची वैद्यकीय तपासणी केली जाणार आहे. त्यांना १४ दिवस स्वतंत्र अलगीकरण कक्षात ठेवले जाणार आहे. वैद्यकीय तपासणी केल्यानंतर त्यांना घरी जाऊ  दिले जाणार आहे. आपली मुले सुरक्षितपणे घरी परत आल्यामुळे पालकांच्या जीवात जीव आला. मुलांशी पाल्यांची नजरानजर झाली तेव्हा ते भावविवश झाल्याचे दिसून आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 3, 2020 1:41 am

Web Title: crime committed against 5 persons traveling in a tanker in kolhapur abn 97
Next Stories
1 करोनाच्या साथीत आवाडे जनता बँकेचा सामान्यांना आर्थिक आधार
2 ‘महाराष्ट्र दिन’ साधेपणाने साजरा करण्याचे आदेश
3 कोल्हापूर जिल्ह्याला पावसाने झोडपले
Just Now!
X