04 July 2020

News Flash

‘माझं कोल्हापूर माझा रोजगार’ अभियानातून स्थानिकांना रोजगाराच्या संधी

पालकमंत्री सतेज पाटलांनी घेतला पुढाकार

करोनामुळे जिल्ह्यातील एक लाखाहून अधिक परप्रांतीय कामगार हे काम सोडून गेले आहेत. त्यामुळे औद्योगिक क्षेत्रात भूमिपुत्रांना रोजगार मिळवून देण्याबरोबरच उद्योगाची मनुष्यबळाची गरज भागवण्यासाठी कोल्हापुरात प्रयत्न सुरु झाले आहेत. जिल्ह्यातील युवक युवतींना रोजगाराच्या संधी उपलब्ध करून देण्यासाठी पालकमंत्री सतेज पाटील यांनी पुढाकार घेतला असून त्यांनी ‘माझं कोल्हापूर माझा रोजगार’ या अभियानातून नोकरी उपलब्ध करून देणारा उपक्रम शनिवारी हाती घातला.

यासाठी पाटील यांनी जिल्ह्यातील सर्व औद्योगिक संस्थांच्या प्रतिनिधींची व्हिडीओ कॉन्फरन्सद्वारे बैठक घेतली. विविध उद्योग संस्थांच्या प्रतिनिधींनी कामगार कमतरतेमुळे उत्पादनावर परिणाम होत असल्याची माहिती दिली. सध्या कामगारांच्या मागणीचा प्रश्न निर्माण होत आहे. त्यासाठी कुशल मनुष्यबळ तयार करणे गरजेचे असल्याचे त्यांनी सांगितले. आमदार ऋतुराज पाटील,आमदार चंद्रकांत जाधव, डी वाय पाटील शैक्षणिक प्रतिष्ठानचे विश्वस्त तेजस सतेज पाटील यांनी भूमिका मांडली. त्यानंतर मंत्री पाटील यांनी या अभियानाची घोषणा केली. याकरिता एक पोर्टल बनवले असून त्यावर कामाची संधी हव्या असणाºया कामगारांनी तसेच उद्योजकांनी आपली नोंदणी करावी लागणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 30, 2020 8:45 pm

Web Title: guardian minister satej patil launch special initiative for kolhaur city regarding employment psd 91
Next Stories
1 लेखिका, प्राचार्य अनुराधा गुरव यांचे निधन
2 कोल्हापूर जिल्ह्यात शनिवारी ४९ नवे करोना बाधित रुग्ण, प्रशासन सतर्क
3 बचतगटांकडून साडेपाच लाख मुखपट्टय़ांची निर्मिती
Just Now!
X