News Flash

भाविकांविना जोतिबा यात्रेस प्रारंभ

देवाची राजेशाही थाटातील बैठी महापूजा

चैत्र यात्रेनिमित्त दख्खनचा राजा जोतिबाची राजेशाही थाटातील बैठी महापूजा बांधण्यात आली होती.

करोना संसर्गामुळे जोतिबा देवाची चैत्र यात्रा सलग दुसऱ्या वर्षी रद्द झाली आहे. चैत्र यात्रेच्या आजच्या मुख्य दिवशी जोतिबा डोंगर येथे भाविकांविना पारंपरिक पद्धतीने यात्रेस प्रारंभ झाला. दख्खनचा राजा जोतिबा देवाची राजेशाही थाटातील बैठी महापूजा सोमवारी बांधण्यात आली होती.

पहाटे पाच वाजता पन्हाळयाचे तहसीलदार रमेश शेंडगे यांच्या हस्ते शासकीय महापूजा झाली. यावेळी देवस्थान समितीचे अधीक्षक महादेव दिंडे उपस्थित होते. राजेशाही थाटातील बैठी महापूजा प्रवीण कापरे, कृष्णात दादर्णे, प्रकाश सांगळे या पुजाऱ्यांनी बांधली.

पश्चिाम महाराष्ट्र देवस्थान समितीने यात्रेचे धार्मिक विधी व पालखी सोहळ्याचे समाज माध्यमातून थेट प्रसारण केले. सायंकाळी मोजक्या मानकऱ्यांच्या उपस्थितीमध्ये देवाचा पालखी सोहळा निघाला. डोंगरावर मोठा पोलीस बंदोबस्त असून सर्व रस्ते बंद केले आहेत.

करोनाचे विघ्न

जोतिबा यात्रेनिमित्त पूजा विधि मानकरी, पुजारी यांच्या उपस्थितीत झाली. २१ मानकऱ्यांपैकी पाच जण करोना सकारात्मक झाले. २० टक्के मानकरी सकारात्मक आल्याची दखल घेऊन भाविकांची गर्दी होणार नाही याची विशेष दक्षता जिल्हा प्रशासनाने व पोलीस विभागाने घेतली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 27, 2021 12:33 am

Web Title: jyotiba yatra starts without devotees abn 97
Next Stories
1 गोकुळच्या प्रचारात जुनेच मुद्दे
2 करोना निर्बंधात ‘गोकुळ’च्या सभांची गर्दी कशी चालते
3 गोकुळ’ महाडिकमुक्त करण्यासाठी मैदानात
Just Now!
X