28 October 2020

News Flash

कोल्हापूर : शाही दसरा सोहळा किमान गर्दीत होणार; महालक्ष्मी मंदिरातील नवरात्र उत्सवाबाबत संदिग्धता

करोनाबाधितांची संख्या वाढणार नाही याची काळजी घेण्याचे आवाहन

संग्रहित छायाचित्र

कोल्हापुरातल्या ऐतिहासिक दसरा चौकात होणारा शाही सीमोल्लंघन सोहळा यंदा किमान गर्दीमध्ये होणार असल्याचे संकेत कोल्हापूरच्या जिल्हाधिकाऱ्यांनी मंगळवारी दिले. तर साडेतीन शक्तीपीठांपैकी एक असलेल्या करवीरनिवासिनी महालक्ष्मी मंदिरात होणाऱ्या नवरात्र उत्सवाबाबत अद्याप संदिग्धता कायम आहे.

कोल्हापुरात नवरात्रोत्सव दरवर्षी उत्साहात साजरा केला जातो. करवीरनिवासिनी महालक्ष्मी मंदिरात दररोज वेगवेगळ्या रूपातील पूजा बांधली जाते तसेच अन्य विधीही उत्साहात पार पडत असतात. ललिता पंचमीला करवीर निवासिनी व त्र्यंबोली देवीच्या भेटीचा सोहळाही भाविकांच्या अमाप उत्साहात पार पडतो. यंदा करोनाच्या परिस्थितीमुळं राज्यातील मंदिर बंद आहेत. तसेच आत्तापर्यंतचे सणउत्सव मर्यादित स्वरुपात साजरे झाले आहेत. या पार्श्वभूमीवर हा नवरात्र सोहळा साजरा करण्यासाठी पश्चिम महाराष्ट्र देवस्थान समितीने जिल्हाधिकाऱ्यांकडे परवानगी मागितली आहे. मात्र, याबाबत अद्याप कसलाही निर्णय घेण्यात आलेला नाही.

दरम्यान, आज जिल्हाधिकारी दौलत देसाई यांनी नवरात्रोत्सव आणि दसरा साधेपणाने साजरा करावा असे आवाहन केले आहे. १७ ऑक्टोबरपासून नवरात्र सुरू होणार असून २५ ऑक्टोबर रोजी दसरा आहे. दसरा चौकात विजयादशमी दिनी पारंपारिक उत्सवासाठी कमीत कमी गर्दी असावी, असे आवाहन देसाई यांनी केले आहे.

तसेच हा नवरात्रोत्सव साजरा करताना आवाक्यात आलेली करोनाबाधितांची संख्या वाढणार नाही, याची काळजी घेण्यासाठी फिजिकल डिस्टंसिंग, मास्क, सॅनिटायझर याचा वापर करावा, असे आवाहनही जिल्हाधिकारी दौलत देसाई यांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 6, 2020 7:10 pm

Web Title: kolhapur the ceremony at dussehra chowk will be at least crowded ambiguity about navratra festival in mahalakshmi temple aau 85
टॅग Coronavirus
Next Stories
1 एफआरपी थकवल्याने वारणा साखर कारखान्यावर सलग तिसऱ्या वर्षी जप्तीची कारवाई
2 बाजार समितीतील मलिदा लाटण्यासाठी काँग्रेसचा कृषी विधेयकाला विरोध – दानवे
3 कोल्हापूर जिल्ह्यात ३५ हजार रुग्ण करोनामुक्त
Just Now!
X