19 September 2020

News Flash

कोल्हापूर शहरात जनता संचारबंदीला संमिश्र प्रतिसाद

शहरातील औषध, दुध ,कृषी ,पेट्रोल पंप ,बँक आदी ठिकाणचे व्यवहार सुरू

कोल्हापूर जिल्ह्यामध्ये करोनाचा संसर्ग झपाट्याने वाढू लागला असल्याने जिल्ह्यामध्ये आठवडाभर कडक लॉकडाउनची घोषणा करण्यात आली आहे. सोमवारपासून याला सुरुवात झाली असताना कोल्हापूर शहरासह जिल्ह्यांमध्ये सर्वत्र शुकशुकाट दिसून आला. (सर्व छायाचित्रे - दयानंद लिपारे)

कोल्हापूर शहरात आजपासून सुरू झालेल्या जनता संचारबंदीला संमिश्र प्रतिसाद मिळाला. मुख्य बाजारपेठ असलेल्या ठिकाणी अनेक दुकाने सुरू होती तर काही व्यापाऱ्यांनी दुकाने बंद ठेवून याला प्रतिसाद दिला.  शहरामध्ये करोनाचा वाढता संसर्ग रोखण्यासाठी शहरांमध्ये शुक्रवारपासून जनता संचारबंदी लागू करण्याचा निर्णय घेण्यात आला आहे. चेंबर ऑफ कॉमर्सच्या वतीने एक आठवड्यासाठी जनता संचारबंदीचा निर्णय घेण्यात आला आहे, तर महापालिकेत झालेल्या बैठकीत दहा दिवसांसाठी ऐच्छिक संचारबंदी लागू करण्यात आली आहे.

संचारबंदी लागू करण्यावरून चेंबर ऑफ कॉमर्सच्या बैठकीमध्ये व्यापाऱ्यांच्या दोन गटांमध्ये वाद झाला होता.तयार कपड्याच्या विक्रेत्यांनी या बंदला विरोध दर्शवला आहे. यामुळे शहरातील बहुतांशी कपड्याचे दुकान आज सुरू होते. याचबरोबर राजारामपुरी, करवीर निवासिनी महालक्ष्मीचे मंदिर असलेला महाद्वार रोड, शाहूपुरी या महत्त्वाच्या ठिकाणचे दुकाने बहुतांशी सुरू होती. तर शिवाजी पेठ भागात आवाहन केल्याप्रमाणे या भागातील सर्व व्यवहार बंद होते. काही व्यापारी दुकान सुरू करण्याबाबत विचारात पडले होते.

शहरातील औषध, दुध ,कृषी ,पेट्रोल पंप ,बँक आदी ठिकाणचे व्यवहार सुरू होते. आजच्या बंदमध्ये सहभागी करून घेण्याबाबत छोटा विक्रेत्यांना विचारात घेतलेले नव्हते. छोट्या विक्रेत्यांची परिस्थिती गेली चार महिने खूपच बिघडलेली आहे. त्यामुळे छोटे व्यापारी आजच्या बंदमध्ये सहभागी झाले नाहीत, असे महाद्वार रोड वरील छोटे व्यापारी संघटनेचे प्रतिनिधी महेश उरसाल यांनी लोकसत्ता’शी बोलताना सांगितले. कोल्हापूर शहरातील हिंदुत्ववादी संघटनांनी ही आजच्या बंदला विरोध दर्शवला आहे त्यामुळे आजचा बंद फारसा यशस्वी ठरल्याचे दिसत नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 11, 2020 12:58 pm

Web Title: lockdown janta curfew in kolhapur nck 90
Next Stories
1 कोल्हापुरात संचारबंदीवरून वातावरण तप्त
2 कोल्हापूरातील जनता संचारबंदीला खासदार संभाजीराजे यांचा विरोध
3 कोल्हापुरात करोना रुग्णांमागील संपर्क शोधण्यावर भर
Just Now!
X