News Flash

राज्यातील बांधकाम मजुरांच्या खात्यात १३७ कोटींचा निधी जमा

कामगार मंत्री हसन मुश्रीफ यांची माहिती

कामगार मंत्री हसन मुश्रीफ यांची माहिती

कोल्हापूर : करोना काळात बांधकाम कामगारांना आर्थिक साहाय्य देण्याच्या निर्णयानुसार राज्यातील १३ लाख बांधकाम कामगारांना दीड हजार रुपयांचे अर्थसाहाय्य बँक खात्यामध्ये थेट जमा करण्याची कार्यवाही सुरू आहे. त्यानुसार ९ लाख १७ हजार नोंदीत कामगारांच्या खात्यात अवघ्या ४ दिवसात १३७ कोटी ६१ लाखांचा निधी जमा करण्यात आला आहे, अशी माहिती कामगार मंत्री हसन मुश्रीफ यांनी बुधवारी दिली.

राज्यात कोविड विषाणूच्या दुसऱ्या लाटेच्या प्रादुर्भावामुळे कडक निर्बंध लावण्यात आले आहेत. या काळात महाराष्ट्रातील बांधकाम कामगारांना आर्थिक साहाय्य देण्याचा निर्णय मुख्यमंत्री उद्धव ठाकरे यांनी घेतला आहे. या निर्णयानुसार महाराष्ट्र इमारत व इतर बांधकाम कामगार कल्याणकारी मंडळामार्फत बांधकाम कामगारांना दीड हजार रुपयांचे अर्थसाहाय्य बँक खात्यामध्ये जमा करण्याची कार्यवाही सुरू आहे. १३ लाखांपैकी ९ लाख नोंदित बांधकाम कामगारांना अर्थसहाय करण्यात आले आहे. यामुळे कष्टकऱ्यांना मोठा दिलासा मिळाला आहे, असे मुश्रीफ यांनी सांगितले. गेल्या वर्षी करोना प्रादुर्भाव कालावधीत नोंदित बांधकाम कामगारांना प्रत्येकी ५ हजार रुपयांची मदत करण्यात आली होती.

नोंदित बांधकाम कामगारांची मोफत आरोग्य तपासणी करण्याची मंडळाकडून योजना राबविण्यात येत असून आतापर्यंत २ लाखावर कामगारांची तपासणी करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2021 12:16 am

Web Title: maharashtra government deposited rs 137 crore in the account of construction workers hasan mushrif
Next Stories
1 ‘गोकुळ’चा सत्तासंघर्ष आजी-माजी लोकप्रतिनिधींमध्ये!
2 ‘गोकुळ’मध्ये सत्तापरिवर्तन की पुन्हा सत्ताधारीच?
3 दुग्ध व्यवसायही ‘करोना’ग्रस्त
Just Now!
X