राजकारणात प्रतिस्पर्धी असलो तरी सहकार क्षेत्राच्या निकोप विकासासाठी एकत्र आलो आहोत, अशी मखलाशी करत राष्ट्रवादीचे आमदार हसन मुश्रीफ व भाजपचे आमदार सुरेश हाळवणकर यांनी बिद्री येथील दूधगंगा सहकारी साखर कारखान्याच्या निवडणुकीसाठी सत्तारूढ राष्ट्रवादी आणि भाजप यांनी आघाडी  करण्याचा निर्णय घेतला असल्याचे शनिवारी येथे पत्रकार परिषदेत सांगितले. २१ पकी ६ जागा भाजपला देण्यात आल्या आहेत, अशी माहिती या वेळी त्यांनी दिली.

अध्र्या लाखाहून अधिक ऊस उत्पादक शेतकरी सभासद बिद्रीच्या निवडणुकीची राजकीय समीकरणे कशी जुळणार याकडे जिल्ह्यातच लक्ष लागले होते. त्याची पहिली अधिकृत घोषणा आज करण्यात आली. राष्ट्रवादी, भाजप, स्थानिक काँग्रेस आणि जनता दल यांनी एकत्र येऊन आघाडी केल्याचे आज सांगण्यात आले.

Devendra Fadnavis
सागरी सुरक्षेच्या कामासाठीही ९५ पदांची कंत्राटी भरती; उपमुख्यमंत्री देवेंद्र फडणवीस यांच्या गृह विभागाचा शासन आदेश
मोहिते-पाटीलविरोधक उत्तम जानकर सोलापूर लोकसभेसाठी राष्ट्रवादीतून भाजपमध्ये
Sanjay Raut Manoj Jarange
महाविकास आघाडी मनोज जरांगेंना जालन्यातून लोकसभेच्या रिंगणात उतरवणार? वंचितच्या प्रस्तावावर संजय राऊत म्हणाले…
pimpri chinchwad marathi news, ncp both factions aggressive in pimpri chinchwad marathi news, rohit pawar sunil tatkare marathi news
पिंपरी-चिंचवडमध्ये वर्चस्व प्रस्थापित करण्यासाठी राष्ट्रवादीचे दोन्ही गट आक्रमक

शासकीय विश्रामगृह येथे आमदार मुश्रीफ, आमदार हाळवणकर, बिद्रीचे अध्यक्ष माजी आमदार  के. पी. पाटील,  काँग्रेसचे माजी आमदार बजरंग देसाई, राष्ट्रवादीचे जिल्हाध्यक्ष ए. वाय. पाटील, भाजपचे जिल्हाध्यक्ष हिंदुराव शेळके, बाबा देसाई, रणजित पाटील आणि समरजितसिंह घाटगे  गटाचे बॉबी माने, प्रकाश पाटील यांनी संयुक्तपणे एकत्र लढण्याचा निर्णय आज जाहीर केला.

या वेळी येत्या २५ सप्टेंबरला पालकमंत्री चंद्रकांत पाटील हे आघाडीच्या उमेदवारांची घोषणा करणार असून जागा वाटपही त्याच वेळी जाहीर होईल, अशी माहितीही मुश्रीफ यांनी दिली. भाजपसोबत दिसणारी मंडळी ही मूळची काँग्रेसच्या विचाराची असल्याने आघाडी करताना काही वेगळे करतो असे वाटत नसल्याचे त्यांनी नमूद केले.

आमदार हाळवणकर यांनी बिद्रीचे अध्यक्ष माजी आमदार के. पी. पाटील यांनी कारखाना कर्जमुक्त करून उत्तम आर्थिक व्यवस्थापनाचे उत्तम उदाहरण समोर ठेवले असल्याचा निर्वाळा देऊन सहकार क्षेत्राच्या निकोप विकासासाठी एकत्र आलो असल्याचे स्पष्ट केले. बिद्रीच्या विकासात्मक प्रक्रियेत भाजप सहभागी होत असल्याबद्दल स्वागत करून के. पी. पाटील यांनी साखर कारखान्याचे विस्तारीकरण, डिस्टिलरी, इथेनॉल प्रकल्प, ऊस विकासाचे टप्पे यांना गती देण्यास मदत होणार असल्याचे सांगितले.