07 July 2020

News Flash

कोल्हापूर : पंचगगेच्या पातळीत चोवीस तासात तीन फुटांनी वाढ; जिल्ह्यातील २० बंधारे पाण्याखाली

जिल्ह्यातील सर्वच धरणाच्या पाणलोट क्षेत्रात पाऊस असल्याने धरणांच्या पाणी पातळीत वाढ होत आहे.

कोल्हापूर : पंचगंगा नदीच्या पातळीत बुधवारी पुन्हा वाढ झाली. त्यामुळे दुथडी भरुन वाहणाऱ्या नदीच्या पाण्यात पोहण्याचा आनंद काही तरुणांनी लुटला.

पावसाचा कोल्हापूर जिल्ह्याच्या पश्चिम भागात अद्यापही जोर कायम आहे. मुसळधार पावसाने पंचगगा नदीची पाणी पातळी दिवसभरात तीन फुटांनी वाढली असून बुधवारी सायंकाळी ती २४ फूट ९ इंचावर येऊन पोहचली. जोरदार पावसामुळे जिल्ह्यातील २० बंधारे पाण्याखाली गेले आहेत. त्यामुळे बंधाऱ्यावरील वाहतूक इतर मार्गावर वळवण्यात आली आहे. गेल्या २४ तासांत गगनबावडा तालुक्यात १३९ मिमी पावसाची नोंद झाली आहे.

जिल्ह्याच्या पश्चिम भागात दोन दिवसांपासून संततधार सुरु आहे. जिल्ह्यातील सर्वच धरणाच्या पाणलोट क्षेत्रात पाऊस असल्याने धरणांच्या पाणी पातळीत वाढ होत आहे. त्यामुळे पंचगगा नदीचे पात्र विस्तारलेले असून त्यामध्ये पोहोण्यासाठी काही उत्साही तरुणांनी उड्या मारत आनंद लुटला. त्याचबरोबर मासेमारी करणाऱ्याची संख्याही वाढली.

नदीचा परिसर पुन्हा गजबताना दिसत आहे. पहिल्याच पावसात बंधारे पाण्याखाली गेल्यामुळे नदी काठावरील गावांमध्ये आत्तापासूनच भीतीचे वातावरण पसरले आहे. जिल्ह्यात काल दिवसभरात गगनबावडा तालुक्यात सर्वाधिक १३९ मिमी पाऊस पडल्याची नोंद झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 8:18 pm

Web Title: panchgaga river level rises by a total of 25 feet 20 dams under water in the district aau 85
Next Stories
1 विधानपरिषद उमेदवारीप्रकरणी राजू शेट्टींवर समर्थक, माजी सहकाऱ्यांकडून टीकास्त्र
2 वस्त्रोद्योजकांचा मुख्य हंगाम वाया
3 कोल्हापूर : झेडपी अध्यक्षांनी विरोधी सदस्याचा ‘बाप’ काढल्याने खडाजंगी
Just Now!
X