12 August 2020

News Flash

कोल्हापुरात पोलिसांनी रोखला बालविवाह; नवरदेवासह कुटुंबीयांवर गुन्हा दाखल

सामाजिक कार्यकर्त्यांच्या मदतीने पोलिसांची कारवाई

प्रातिनिधीक छायाचित्र

कोल्हापूर येथे पार पडणारा एक बालविवाह सामाजिक कार्यकर्त्यांच्या मदतीने पोलिसांनी मंगळवारी रोखला. यावेळी अल्पवयीन मुलीच्या गळ्यात वरमाला घालणाऱ्या नवरदेवासह कुटुंबियांवर बालविवाह प्रतिबंधक कायद्यानुसार गुन्हे दाखल केले आहेत.

पोलिसांच्या माहितीनुसार, नवरदेव राहुल राजुनाथ गोसावी (वय २४), त्याचे वडील राजू अशोकनाथ गोसावी, आई मनीषा राजुनाथ गोसावी (सर्व रा. नवनाथ नगर, इस्लामपूर, जि. सांगली) आणि मुलीची आई या चौघांवर गुन्हा दाखल करण्यात आला आहे.

संबंधित अल्पवयीन मुलगी व नवरदेव राहुल गोसावी यांचे तीन वर्षांपासून प्रेमसंबंध होते. मुलीच्या आईचा लग्न व प्रेम संबंधाला विरोध होता. मात्र, कुटुंबियांनी विवाह लावून दिला नसल्यास पळून जाऊन लग्न करण्याची धमकी या दोघांनी दिली होती. त्यामुळे दोन्ही कुटुंबियांनी हे लग्न लावून देण्याचा निर्णय घेतला होता.

आज लक्षतीर्थ वसाहतीतून ‘चाईल्ड लाईन’ या संस्थेला निनावी फोन आला होता. त्यानुसार संस्थेच्या सामाजिक कार्यकर्त्यांनी पोलिसांच्या मदतीने हा बालविवाह रोखला. बाल संरक्षण समितीच्या आदेशानुसार १६ वर्षीय असणाऱ्या अल्पवयीन मुलीची बालसुधारगृहात रवानगी करण्यात आली आहे. लक्ष्मीपुरी पोलीस ठाण्याचे पोलीस निरीक्षक अनिल गुजर, चाईल्ड लाईन संस्थेच्या सुरय्या शिकलगार, अस्मिता पवार व जिल्हा बाल संरक्षण कक्षाच्या प्रणाली दुधगावकर, ज्योती भोई यांनी बालविवाह रोखण्याची कारवाई केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2020 8:40 pm

Web Title: police stop child marriage in kolhapur a case has been registered against the family members of groom aau 85
Next Stories
1 कोल्हापूरात टाळेबंदीवरुन राजकारण?; कडक टाळेबंदीची भाजपाची मागणी, पालकमंत्री म्हणतात गरज नाही
2 कोल्हापूर महापालिका करणार शुभकार्यांचे चित्रीकरण; नियमांचे उल्लंघन झाल्यास कारवाई
3 कोल्हापुरात करोनाचा विळखा आणखी घट्ट; ४७ नवे रुग्ण, वृद्धाचा मृत्यू
Just Now!
X