31 May 2020

News Flash

प्रकाश आवाडे यांचा भाजपला सरकार स्थापनेसाठी पाठिंबा

निवडणुकीपूर्वी पासूनच आवाडे हे शिवसेनेत सहभागी होणार असल्याची चर्चा रंगली होती

(संग्रहित छायाचित्र)

इचलकरंजी विधानसभा मतदार संघातून विजयी झालेले अपक्ष आमदार प्रकाश आवाडे यांनी गुरुवारी भाजपला सरकार स्थापन करण्यासाठी आपला पाठिंबा दिला. याबाबतचे पत्र त्यांनी मुख्यमंत्री देवेंद्र फडणवीस यांना दिले. या वेळी जिल्ह्याचे पालकमंत्री आमदार चंद्रकांत पाटील उपस्थित होते.

नुकत्याच झालेल्या विधानसभा निवडणुकीत अपक्ष उमेदवार आवाडे यांनी जिल्ह्यतील सर्वाधिक मताधिक्य घेत बाजी मारत भाजपचे सुरेश हाळवणकर यांचा ४९ हजारच्या मताधिक्याने पराभव केला. त्यामुळे पुढील राजकीय प्रवासात ते कोणती भूमिका घेणार याकडे सर्वाचेच लक्ष लागले होते.

 सेना ते वर्षां

निवडणुकीपूर्वी पासूनच आवाडे हे शिवसेनेत सहभागी होणार असल्याची चर्चा रंगली होती. तर निकालानंतर ते निश्चितपणे शिवसेनेत प्रवेश करणार असे बोलले जात होते. राज्यात सरकार स्थापनेसाठी वेगाने हालचाली सुरू असताना गुरुवारी दुपारी आवाडे यांनी मुख्यमंत्री फडणवीस यांना सरकार स्थापनेसाठी पाठिंब्याचे पत्र सुपूर्द केले. भाजपचे प्रदेश अध्यक्ष चंद्रकांत पाटील यांनाही त्यांनी पाठिंबा देत असल्याचे पत्र दिले आहे. याबाबत आवाडे म्हणाले, कोणाला पाठिंबा द्यायचा याबाबत स्थानिक कार्यकर्त्यांची मते आजमावून घेतली. त्यांना आपला निर्णय मान्य आहे असे सांगितले. मतदार संघातील विकासकामे गतीने होण्यासाठी फडणवीस यांना मुख्यमंत्री होण्यासाठी पत्र दिले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 1, 2019 12:38 am

Web Title: prakash awades support for the formation of bjp government abn 97
Next Stories
1 चंद्रकांत पाटील यांच्यामुळेच कोल्हापुरात युतीला फटका
2 गोकुळच्या सभेत गोंधळ, बहुराज्य विषयावर सत्तारूढ गटाची माघार
3 कोल्हापुरात महायुतीत संघर्षांचे फटाके
Just Now!
X